ہم کہ خاموش ہوئے اہل بیاں دیکھتے ہیں — عرش صدیقی
شاعر
ہم کہ خاموش ہوئے اہل بیاں دیکھتے ہیں
ہم کہ خاموش ہوئے اہل بیاں دیکھتے ہیں
راز انداز تکلم سے عیاں دیکھتے ہیں
جان لیوا ہے فریب رہ گلزار طلب
نشتر شوق قریب رگ جاں دیکھتے ہیں
ہے اسی گھر میں کہیں گوہر امید نہاں
سوئے ویرانۂ دل بہر اماں دیکھتے ہیں
کیسے بنتا ہے لہو سرخی افسانۂ دل
کیسے بنتا ہے قلم نوک سناں دیکھتے ہیں
آتش شوق کو رکھتے ہیں بہ ہر طور جواں
خاک گلشن میں زر گل کے نشاں دیکھتے ہیں
خشمگیں آج وہ یوں ہیں کہ نہیں تاب سخن
عرشؔ ہم آج ترا زور بیاں دیکھتے ہیں
Hum ke khamosh hue ahl-e-bayañ dekhte haiñ
Hum ke khamosh hue ahl-e-bayañ dekhte haiñ
Raz-e-andaaz-e-takallum se ayañ dekhte haiñ
Jan-lewa hai fareb-e-rah-e-gulzar-e-talab
Nishtar-e-shauq qareeb-e-rag-e-jan dekhte haiñ
Hai isi ghar meiñ kahiiñ gauhar-e-ummeed-e-nihañ
Sooye veerana-e-dil bahar-e-amañ dekhte haiñ
Kaise banta hai lahoo surkhi-e-afsana-e-dil
Kaise banta hai qalam nok-e-sanañ dekhte haiñ
Atish-e-shauq ko rakhte haiñ ba-har taur jawañ
Khak-e-gulshan meiñ zar-e-gul ke nishañ dekhte haiñ
Khashmgeen aaj woh yooñ haiñ ke nahiñ taab-e-sukhan
Arsh! hum aaj tera zor-e-bayañ dekhte haiñ
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں