اتنی ہوا نہ واعظ دیں دار باندھئے — عرش صدیقی
شاعر
اتنی ہوا نہ واعظ دیں دار باندھئے
اتنی ہوا نہ واعظ دیں دار باندھئے
عزت سنبھالئے سر دستار باندھئے
گم کیجیے حواس کو تفسیر ہوش میں
دانش کو جہل جہل کو پندار باندھئے
محروم ہوش سوئیے پر دیجے داد ہوش
گل کو گیاہ دشت کو گلزار باندھئے
بو چھینیے گلوں سے کہ دیتے ہیں ذوق فن
یوں خوش نوا طیور کی چہکار باندھئے
اب جز ہوا نہیں ہے گرہ میں ہماری خاک
سو بار کھولیے اسے سو بار باندھئے
بھڑکی ہے آگ عرشؔ خیابان بزم میں
حد جلال شعلۂ گفتار باندھئے
Itnī havā na vāiz dīñ dār bāndhiye
Itnī havā na vāiz dīñ dār bāndhiye
Izzat sambhāliye sar-e-dastār bāndhiye
Gum kījiye havās ko tafsīr-e-hosh meñ
Dānish ko jahl, jahl ko pindār bāndhiye
Mahroom-e-hosh soiye, par dījiye dād-e-hosh
Gul ko giyāh, dasht ko gulzār bāndhiye
Bū chhīniye gulon se ki dete haiñ zauq-e-fan
Yūñ khush-navā tuyūr kī chihkār bāndhiye
Ab juz havā nahīñ hai girah meñ hamārī khāk
Sau bār kholiye use sau bār bāndhiye
Bhaṛkī hai āg Arsh, khayābān-e-bazm meñ
Had-e-jalāl-e-sho'la-e-guftār bāndhiye
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں