جوش جنوں بھی گردش دوراں سے کم نہ تھا — عرش صدیقی
شاعر
جوش جنوں بھی گردش دوراں سے کم نہ تھا
جوش جنوں بھی گردش دوراں سے کم نہ تھا
دل تھا تو دشت غم بھی گلستاں سے کم نہ تھا
رنگینیٔ جمال کی سرحد نہ تھی کوئی
اور حوصلہ بھی حیطۂ امکاں سے کم نہ تھا
کیا کیا بسی تھیں صورتیں دامان خواب میں
دشت خیال شہر نگاراں سے کم نہ تھا
ہر آرزو کو اپنی نہایت کی فکر تھی
بازار شوق حشر کے میداں سے کم نہ تھا
سچ ہے جنوں کی راہ میں ایماں گیا مگر
پاس مزاج یار بھی ایماں سے کم نہ تھا
آوارگی کو وسعت صحرا بھی کم رہی
دل کو جہان شوق بھی زنداں سے کم نہ تھا
ہم کو نہ تھی جنوں میں تمیز دماغ و دل
دامن کا چاک چاک گریباں سے کم نہ تھا
اپنے لئے تھا باعث آبادئ نظر
بے ساختہ گریز جو پیماں سے کم نہ تھا
دیکھا نہ ہم نے یاں بھی شجر کوئی سایہ دار
یعنی دیار عشق بیاباں سے کم نہ تھا
مجرم نہیں تھے پھر بھی ستائے گئے ہمیں
قاضی بزعم خویش سلیماں سے کم نہ تھا
راہوں میں زندگی کی لٹی سب متاع ہوش
الجھاؤ ان کا زلف پریشاں سے کم نہ تھا
دل پر رقم تھی ایک سے اک طرفہ داستاں
کوئی بھی زخم عرشؔ دبستاں سے کم نہ تھا
Josh-e-junoon bhi gardish-e-dauraan se kam na tha
Josh-e-junoon bhi gardish-e-dauraan se kam na tha
Dil tha to dasht-e-gham bhi gulistaan se kam na tha
Rangeeni-e-jamal ki sarhad na thi koi
Aur hausla bhi haiza-e-imkaan se kam na tha
Kya kya basi theen sooratein daaman-e-khwab mein
Dasht-e-khayal shehar-e-nigaraan se kam na tha
Har aarzoo ko apni nihayat ki fikr thi
Bazaar-e-shauq hashr ke maidaan se kam na tha
Sach hai junoon ki raah mein imaan gaya magar
Paas-e-mizaaj-e-yaar bhi imaan se kam na tha
Aawargi ko wusat-e-sehra bhi kam rahi
Dil ko jahan-e-shauq bhi zindaan se kam na tha
Hum ko na thi junoon mein tameez-e-dimaagh-o-dil
Daaman ka chaak chaak garebaan se kam na tha
Apne liye tha baais-e-abadi-e-nazar
Be-sakhta gureiz jo paimaan se kam na tha
Dekha na hum ne yaan bhi shajar koi saya-daar
Yaani diyar-e-ishq bayabaan se kam na tha
Mujrim nahin the phir bhi sataye gaye hamein
Qazi ba-za'm-e-khwaish Sulaiman se kam na tha
Raahon mein zindagi ki luti sab mata-e-hosh
Uljhao un ka zulf-e-pareshan se kam na tha
Dil par raqam thi ek se ek tarfa dastaan
Koi bhi zakhm Arsh-e-dabistan se kam na tha
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں