پھر اسی شہر کا فسانہ چھیڑ — عرش صدیقی
شاعر
پھر اسی شہر کا فسانہ چھیڑ
پھر اسی شہر کا فسانہ چھیڑ
مطربہ طرز عاشقانہ چھیڑ
ساز دل سے اٹھا تھا جو اک بار
پھر وہی راگ والہانہ چھیڑ
گھر ہے تاریک یورش غم سے
آج اک آتشیں ترانہ چھیڑ
پھر جہاں دل کشی سے ہے محروم
زلف ہستی کو مثل شانہ چھیڑ
بزم خوف فنا سے ہے بے دم
کچھ بہ انداز جاودانہ چھیڑ
آج ہر شے سے بد گماں ہیں ہم
مت ہمیں اے غم زمانہ چھیڑ
اے غم یار ہم ہیں خاکستر
اور مت اے رفیق خانہ چھیڑ
عرشؔ تھی ہر سکوں کی جو رہزن
اس قیامت کا پھر فسانہ چھیڑ
Phir usī shahr kā fasāna chheṛ
Phir usī shahr kā fasāna chheṛ
Muṭribāna taraz-e-āshiqāna chheṛ
Sāz-e-dil se uṭhā thā jo ek bār
Phir vahī rāg-e-vālehāna chheṛ
Ghar hai tārīk yūrish-e-gham se
Āj ek ātishīñ tarāna chheṛ
Phir jahān dilkashī se hai mahroom
Zulf-e-hastī ko misl-e-shāna chheṛ
Bazm-e-khauf-e-fanā se hai be-dam
Kuchh ba-andāz-e-jāvedāna chheṛ
Āj har shay se bad-gumān haiñ ham
Mat hameñ aye gham-e-zamāna chheṛ
Aye gham-e-yār ham haiñ khākistar
Aur mat aye rafīq-e-khāna chheṛ
Arsh thī har sukūñ kī jo rahzan
Us qayāmat kā phir fasāna chheṛ
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں