تابندہ حسن راز بہاراں ہمیں سے ہے — عرش صدیقی
شاعر
تابندہ حسن راز بہاراں ہمیں سے ہے
تابندہ حسن راز بہاراں ہمیں سے ہے
نظم خزاں جو ہے تو ہراساں ہمیں سے ہے
اپنے لہو کا رنگ ملا ہے بہار میں
لالہ مثال شعلۂ رقصاں ہمیں سے ہے
جلتا ہے اپنا خوں ہی سر بزم رات بھر
اے حسن بے خبر یہ چراغاں ہمیں سے ہے
ہم آج شہر یار کے معتوب ہیں تو کیا
ہر دم وہ اپنے شہر میں ترساں ہمیں سے ہے
رکھی ہے ہم نے اپنی زباں پر وفا کی تیغ
نام نکوئے یار پر افشاں ہمیں سے ہے
ہر رنگ میں رہے ہمیں سر چشمۂ حیات
ہے کائنات ہم سے تو یزداں ہمیں سے ہے
مرہون شوق بادہ گساراں ہے دور جام
مینا حضور یار غزل خواں ہمیں سے ہے
شہرا ترا گیا مرے نغموں کے ساتھ ساتھ
عالم کو تیری دید کا ارماں ہمیں سے ہے
آنکھوں میں عرشؔ درد نے بھڑکائے ہیں کنول
آب رواں میں آتش سوزاں ہمیں سے ہے
Tabinda husn-e-raaz-e-baharañ hameñ se hai
Tabinda husn-e-raaz-e-baharañ hameñ se hai
Nazm-e-khizañ jo hai to harasañ hameñ se hai
Apne lahoo ka rang mila hai bahar meiñ
Lala misaal-e-shola raqsañ hameñ se hai
Jalta hai apna khooñ hi sar-e-bazm raat bhar
Ay husn-e-be-khabar yeh charaghañ hameñ se hai
Hum aaj shahr-e-yaar ke ma'toob haiñ to kya
Har dam woh apne shahr meiñ tarsaañ hameñ se hai
Rakkhi hai hum ne apni zabañ par wafa ki tegh
Naam-e-nikooye yaar par afshañ hameñ se hai
Har rang meiñ rahe hameñ sar-e-chashma-e-hayat
Hai kainat hum se to Yazdañ hameñ se hai
Marhoon-e-shauq-e-baada-guzarañ hai daur-e-jaam
Meena huzoor-e-yaar ghazal-khwañ hameñ se hai
Shehra tera gaya mere naghmoñ ke saath saath
Aalam ko teri deed ka armañ hameñ se hai
Aankhoñ meiñ Arsh! dard ne bhadkaye haiñ kañwal
Aab-e-rawañ meiñ atish-e-sozañ hameñ se hai
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں