اٹھا جو دست ستم قتل بے نوا کے لئے — عرش صدیقی
شاعر
اٹھا جو دست ستم قتل بے نوا کے لئے
اٹھا جو دست ستم قتل بے نوا کے لئے
نگاہ شوق نے بوسے ہر اک ادا کے لئے
مہک ہے تیرے شبستاں کی بوئے زلف صبا
چلی ہے باد صبا اک شکستہ پا کے لئے
سنو کہ دل کو مرے اعتبار زیست نہیں
رکا ہوں ایک نفس عرض مدعا کے لئے
مرے خیال نے پہنا لباس حرف و ندا
صریر خامہ ہے رقصاں مری نوا کے لئے
دیار دل تو ہوا وقف آہوان جواں
اب اور کوئی بنائیں گے گھر خدا کے لئے
مرے خیال کو قید مکاں قبول نہیں
حدود بحر و بیاباں نہیں ہوا کے لئے
رہی نظر میں ہمارے عروس شوق مدام
فنائے زیست رہے زیست کی بقا کے لئے
کسے بتائیں کہ ہم نے پلا کے خون جگر
چمن میں پھول کھلائے تری قبا کے لئے
خیال و رنگ و نقوش و حروف و لوح و قلم
بچھے ہیں دام جمال گریز پا کے لئے
Utha jo dast-e-sitam qatl-e-be-nawa ke liye
Utha jo dast-e-sitam qatl-e-be-nawa ke liye
Nigah-e-shauq ne bose har ik ada ke liye
Mahak hai tere shabistañ ki boo-e-zulf-e-saba
Chali hai baad-e-saba ik shikasta pa ke liye
Suno ke dil ko mere aitibar-e-zeest nahiñ
Ruka hooñ ek nafas arz-e-muddaa ke liye
Mere khayal ne pehna libas-e-harf o nida
Sareer-e-khamah hai raqsañ meri nawa ke liye
Diyar-e-dil to hua waqf-e-aahwaan-e-jawañ
Ab aur koi banaayeñ ge ghar khuda ke liye
Mere khayal ko qaid-e-makañ qabool nahiñ
Hudood-e-bahr o biyabañ nahiñ hawa ke liye
Rahi nazar meiñ hamare aroos-e-shauq mudam
Fana-e-zeest rahe zeest ki baqa ke liye
Kise batayeñ ke hum ne pila ke khoon-e-jigar
Chaman meiñ phool khilaye teri qaba ke liye
Khayal o rang o naqoosh o haroof o lauh o qalam
Bichhe haiñ daam-e-jamal-e-gurez-pa ke liye
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں