وہ جس کی داستاں پھیلی دل دیوانہ میرا تھا — عرش صدیقی
شاعر
وہ جس کی داستاں پھیلی دل دیوانہ میرا تھا
وہ جس کی داستاں پھیلی دل دیوانہ میرا تھا
زبانیں دشمنوں کی تھیں مگر افسانہ میرا تھا
تڑپتا ہوں کہ اک ساغر کسی حاتم سے مل جائے
زوال آسماں دیکھو کبھی مے خانہ میرا تھا
بلا کی خامشی طاری تھی ہر سو تیری ہیبت سے
سر محفل جو گونجا نعرۂ مستانہ میرا تھا
کٹے یوں تو ہزاروں سر وفا کی کربلاؤں میں
ترے نیزے پہ جو ابھرا سر شاہانہ میرا تھا
فقیہ شہر کو سمجھو کہ ہم پکڑے گئے ناحق
شرابیں سب اسی کی تھیں بس اک پیمانہ میرا تھا
بنا ہے عرشؔ وہ منصف تو پھر یہ بھی کبھی دیکھے
ہوا ہے بند جو مجھ پر وہی ویرانہ میرا تھا
Wo jis ki daastaan phaili dil deewana mera tha
Wo jis ki daastaan phaili dil deewana mera tha
Zubanein dushmano'n ki thii'n magar afsana mera tha
Tadapta hoon ke ek saghar kisi Hatim se mil jaaye
Zawal-e-aasman dekho kabhi mai-khana mera tha
Bala ki khamoshi taari thi har soo teri haibat se
Sar-e-mehfil jo goonja naara-e-mastana mera tha
Kate yoo'n to hazaron sar wafa ki karbalao'n mein
Tere neze pe jo ubhra sar-e-shahana mera tha
Faqeeh-e-shehr ko samjho ke hum pakde gaye naahaq
Sharabein sab usi ki thii'n bas ek paimana mera tha
Bana hai Arshؔ wo munsif to phir yeh bhi kabhi dekhe
Hua hai band jo mujh par wahi veerana mera tha
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں