وہ جو اب دل کی رہ گزر میں نہیں — عرش صدیقی
شاعر
وہ جو اب دل کی رہ گزر میں نہیں
وہ جو اب دل کی رہ گزر میں نہیں
وقت کہتا ہے میں سفر میں نہیں
میری دیوانگی بھی ختم ہوئی
تیرے جلوے بھی اب نظر میں نہیں
کیا غم یار کیا خیال بہار
آج سودا بھی کوئی سر میں نہیں
ہم سا کیا ہوگا کوئی بے ساماں
ہائے نام خدا بھی گھر میں نہیں
وجہ رسوائی ہے یہاں ہر بات
عیب میں کیا ہے جو ہنر میں نہیں
میں ہوں تیرے جمال سے سوزاں
اپنا کچھ تابش قمر میں نہیں
ایک دیوار تیرگی کے سوا
کوئی منظر بھی عرشؔ در میں نہیں
Woh jo ab dil ki rahguzar mein nahin
Woh jo ab dil ki rahguzar mein nahin
Waqt kehta hai main safar mein nahin
Meri deewangi bhi khatm hui
Tere jalwe bhi ab nazar mein nahin
Kya gham-e-yaar kya khayal-e-bahar
Aaj sauda bhi koi sar mein nahin
Hum sa kya hoga koi be-saamaan
Haaye naam-e-Khuda bhi ghar mein nahin
Wajah-e-ruswai hai yahan har baat
Aib mein kya hai jo hunar mein nahin
Main hoon tere jamaal se sozaan
Apna kuch taabish-e-qamar mein nahin
Ek deewar-e-teergi ke siwa
Koi manzar bhi Arsh dar mein nahin
شاعر کے بارے میں
عرش صدیقی (اصل نام: ارشادالرحمن) اردو کے ممتاز شاعر، افسانہ نگار، نقاد، محقق اور ماہرِ تعلیم تھے۔ وہ 21 جنوری 1927ء کو گُرداسپور، پنجاب میں پیدا ہو...
مکمل تعارف پڑھیں