دیکھ دل کو مرے او کافر بے پیر نہ توڑ — بہادرشاہ ظفر
شاعر
دیکھ دل کو مرے او کافر بے پیر نہ توڑ
دیکھ دل کو مرے او کافر بے پیر نہ توڑ
گھر ہے اللہ کا یہ اس کی تو تعمیر نہ توڑ
غل سدا وادئ وحشت میں رکھوں گا برپا
اے جنوں دیکھ مرے پاؤں کی زنجیر نہ توڑ
دیکھ ٹک غور سے آئینۂ دل کو میرے
اس میں آتا ہے نظر عالم تصویر نہ توڑ
تاج زر کے لیے کیوں شمع کا سر کاٹے ہے
رشتۂ الفت پروانہ کو گل گیر نہ توڑ
اپنے بسمل سے یہ کہتا تھا دم نزع وہ شوخ
تھا جو کچھ عہد سو او عاشق دلگیر نہ توڑ
رقص بسمل کا تماشا مجھے دکھلا کوئی دم
دست و پا مار کے دم تو تہ شمشیر نہ توڑ
سہم کر اے ظفرؔ اس شوخ کماندار سے کہہ
کھینچ کر دیکھ مرے سینے سے تو تیر نہ توڑ
Dekh dil ko mere o kafir be-peer na tod
Dekh dil ko mere o kafir be-peer na tod
Ghar hai Allah ka ye is ki tu ta'meer na tod
Ghul sada wadi-e-wahshat mein rakhun ga barpa
Aye junoon dekh mere paaon ki zanjeer na tod
Dekh tak ghaur se aaina dil ko mere
Is mein aata hai nazar alam tasveer na tod
Taj-e-zar ke liye kyun shama ka sar kaate hai
Rishta-e-ulfat parwana ko gul-geer na tod
Apne bismil se ye kehta tha dam-e-naza wo shokh
Tha jo kuch ahad so o ashiq-e-dilgeer na tod
Raqs-e-bismil ka tamasha mujhe dikhla koi dam
Dast-o-pa maar ke dam tu teh-e-shamshir na tod
Seham kar aye Zafar! is shokh kamandar se keh
Kheench kar dekh mere seene se tu teer na tod
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں