یاں خاک کا بستر ہے گلے میں کفنی ہے — بہادرشاہ ظفر
شاعر
یاں خاک کا بستر ہے گلے میں کفنی ہے
یاں خاک کا بستر ہے گلے میں کفنی ہے
واں ہاتھ میں آئینہ ہے گل پیرہنی ہے
ہاتھوں سے ہمیں عشق کے دن رات نہیں چین
فریاد و فغاں دن کو ہے شب نعرہ زنی ہے
ہشیار ہو غفلت سے تو غافل نہ ہو اے دل
اپنی تو نظر میں یہ جگہ بے وطنی ہے
کچھ کہہ نہیں سکتا ہوں زباں سے کہ ذرا دیکھ
کیا جائے ہے جس جائے نہ کچھ دم زدنی ہے
مژگاں پہ مرے لخت جگر ہی نہیں یارو
اس تار سے وہ رشتہ عقیق یمنی ہے
لکھ اور غزل قافیے کو پھیر ظفرؔ تو
اب طبع کی دریا کی تری موج زنی ہے
Yaan khaak ka bistar hai gale mein kafni hai
Yaan khaak ka bistar hai gale mein kafni hai
Waan haath mein āīna hai gul-pairhanī hai
Hāthoñ se hameñ ishq ke din raat nahin chain
Faryād o fughāñ din ko hai shab na'ra zanī hai
Hushiyār ho ghaflat se tu ghāfil na ho ae dil
Apni to nazar mein ye jagah be-watanī hai
Kuchh kah nahin sakta hooñ zabāñ se ki zarā dekh
Kya jāe hai jis jāe na kuchh dam-zadanī hai
Mizhgaañ pe mere lakht-e-jigar hi nahin yāro
Us tār se wo rishta-e-aqeeq-e-yamanī hai
Likh aur ghazal qāfiye ko phir Zafar tu
Ab tab'a ki daryā ki teri mauj-zanī hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں