گالیاں تنخواہ ٹھہری ہے اگر بٹ جائے گی — بہادرشاہ ظفر
شاعر
گالیاں تنخواہ ٹھہری ہے اگر بٹ جائے گی
گالیاں تنخواہ ٹھہری ہے اگر بٹ جائے گی
عاشقوں کے گھر مٹھائی لب شکر بٹ جائے گی
روبرو گر ہوگا یوسف اور تو آ جائے گا
اس کی جانب سے زلیخا کی نظر بٹ جائے گی
رہزنوں میں ناز و غمزہ کی یہ جنس دین و دل
جوں متاع بردہ آخر ہم دگر بٹ جائے گی
ہوگا کیا گر بول اٹھے غیر باتوں میں مری
پھر طبیعت میری اے بیداد گر بٹ جائے گی
دولت دنیا نہیں جانے کی ہرگز تیرے ساتھ
بعد تیرے سب یہیں اے بے خبر بٹ جائے گی
کر لے اے دل جان کو بھی رنج و غم میں تو شریک
یہ جو محنت تجھ پہ ہے کچھ کچھ مگر بٹ جائے گی
مونگ چھاتی پہ جو دلتے ہیں کسی کی دیکھنا
جوتیوں میں دال ان کی اے ظفرؔ بٹ جائے گی
Galiyan tankhwah thehri hai agar bat jaegi
Galiyan tankhwah thehri hai agar bat jaegi
Ashiqon ke ghar mithai lab-e-shakar bat jaegi
Rubaru gar hoga Yusuf aur tu aa jaega
Us ki jaanib se Zulaikha ki nazar bat jaegi
Rahzanoun mein naz-o-ghamza ki ye jins-e-deen-o-dil
Jun mata-e-burda akhir hum digar bat jaegi
Hoga kya gar bol uthe ghair baaton mein meri
Phir tabiyat meri aye bedad-gar bat jaegi
Daulat-e-duniya nahin jaane ki hargiz tere saath
Baad tere sab yahin aye be-khabar bat jaegi
Kar le aye dil jaan ko bhi ranj-o-gham mein tu shareek
Ye jo mehnat tujh pe hai kuch kuch magar bat jaegi
Moong chhaati pe jo dalte hain kisi ki dekhna
Jootiyon mein daal un ki aye Zafar! bat jaegi
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں