ہے دل کو جو یاد آئی فلک پیر کسی کی — بہادرشاہ ظفر
شاعر
ہے دل کو جو یاد آئی فلک پیر کسی کی
ہے دل کو جو یاد آئی فلک پیر کسی کی
آنکھوں کے تلے پھرتی ہے تصویر کسی کی
گریہ بھی ہے نالہ بھی ہے اور آہ و فغاں بھی
پر دل میں ہوئی اس کے نہ تاثیر کسی کی
ہاتھ آئے ہے کیا خاک ترے خاک کف پا
جب تک کہ نہ قسمت میں ہو اکسیر کسی کی
یارو وہ ہے بگڑا ہوا باتیں نہ بناؤ
کچھ پیش نہیں جانے کی تقریر کسی کی
نازاں نہ ہو منعم کہ جہاں تیرا محل ہے
ہووے گی یہاں پہلے بھی تعمیر کسی کی
میری گرہ دل نہ کھلی ہے نہ کھلے گی
جب تک نہ کھلے زلف گرہ گیر کسی کی
آتا بھی اگر ہے تو وہ پھر جائے ہے الٹا
جس وقت الٹ جائے ہے تقدیر کسی کی
اس ابرو و مژگاں سے ظفرؔ تیز زیادہ
خنجر نہ کسی کا ہے نہ شمشیر کسی کی
جو دل سے ادھر جائے نظر دل ہو گرفتار
مجرم ہو کوئی اور ہو تقصیر کسی کی
Hai dil ko jo yaad aai falak-peer kisi ki
Hai dil ko jo yaad aai falak-peer kisi ki
Aankhon ke tale phirti hai tasveer kisi ki
Girya bhi hai nala bhi hai aur aah-o-fughan bhi
Par dil mein hui us ke na taseer kisi ki
Haath aaye hai kya khaak tere khaak-e-kaf-e-pa
Jab tak ke na qismat mein ho ikseer kisi ki
Yaaro wo hai bigda hua baatein na banao
Kuch pesh nahin jaane ki taqreer kisi ki
Nazaan na ho mun'im ke jahan tera mahal hai
Hoye gi yahan pehle bhi ta'meer kisi ki
Meri girah-e-dil na khuli hai na khule gi
Jab tak na khule zulf-e-girah-geer kisi ki
Aata bhi agar hai to wo phir jae hai ulta
Jis waqt ulat jae hai taqdeer kisi ki
Is abroo-o-mizhgan se Zafar! tez ziyada
Khanjar na kisi ka hai na shamshir kisi ki
Jo dil se idhar jae nazar dil ho giraftar
Mujrim ho koi aur ho taqseer kisi ki
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں