ہوا میں پھرتے ہو کیا حرص اور ہوا کے لیے — بہادرشاہ ظفر
شاعر
ہوا میں پھرتے ہو کیا حرص اور ہوا کے لیے
ہوا میں پھرتے ہو کیا حرص اور ہوا کے لیے
غرور چھوڑ دو اے غافلو خدا کے لیے
گرا دیا ہے ہمیں کس نے چاہ الفت میں
ہم آپ ڈوبے کسی اپنے آشنا کے لیے
جہاں میں چاہیئے ایوان و قصر شاہوں کو
یہ ایک گنبد گردوں ہے بس گدا کے لیے
وہ آئینہ ہے کہ جس کو ہے حاجت سیماب
اک اضطراب ہے کافی دل صفا کے لیے
تپش سے دل کا ہو کیا جانے سینے میں کیا حال
جو تیرے تیر کا روزن نہ ہو ہوا کے لیے
طبیب عشق کی دکاں میں ڈھونڈتے پھرتے
یہ دردمند محبت تری دوا کے لیے
جو ہاتھ آئے ظفرؔ خاک پائے فخراؔلدین
تو میں رکھوں اسے آنکھوں کے توتیا کے لیے
Hawa mein phirte ho kya hirs aur hawa ke liye
Hawa mein phirte ho kya hirs aur hawa ke liye
Ghuroor chhod do aye ghafilo Khuda ke liye
Gira diya hai hamein kis ne chah-e-ulfat mein
Hum aap doobe kisi apne aashna ke liye
Jahan mein chahiye aivan-o-qasr shahoun ko
Ye ek gumbad-e-gardoon hai bas gada ke liye
Wo aaina hai ke jis ko hai haajat-e-seemaab
Ek iztirab hai kafi dil-e-safa ke liye
Tapish se dil ka ho kya jaane seene mein kya haal
Jo tere teer ka rozan na ho hawa ke liye
Tabeeb-e-ishq ki dukan mein dhoondte phirte
Ye dardmand-e-mohabbat teri dawa ke liye
Jo haath aaye Zafar! khaak-e-pa-e-Fakhruddin
To main rakhun use aankhon ke tutiya ke liye
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں