جگر کے ٹکڑے ہوئے جل کے دل کباب ہوا — بہادرشاہ ظفر
شاعر
جگر کے ٹکڑے ہوئے جل کے دل کباب ہوا
جگر کے ٹکڑے ہوئے جل کے دل کباب ہوا
یہ عشق جان کو میرے کوئی عذاب ہوا
کیا جو قتل مجھے تم نے خوب کام کیا
کہ میں عذاب سے چھوٹا تمہیں ثواب ہوا
کبھی تو شیفتہ اس نے کہا کبھی شیدا
غرض کہ روز نیا اک مجھے خطاب ہوا
پیوں نہ رشک سے خوں کیونکہ دم بہ دم اپنا
کہ ساتھ غیر کے وہ آج ہم شراب ہوا
تمہارے لب کے لب جام نے لیے بوسے
لب اپنے کاٹا کیا میں نہ کامیاب ہوا
گلی گلی تری خاطر پھرا بچشم پر آب
لگا کے تجھ سے دل اپنا بہت خراب ہوا
تری گلی میں بہائے پھرے ہے سیل سرشک
ہمارا کاسۂ سر کیا ہوا حباب ہوا
جواب خط کے نہ لکھنے سے یہ ہوا معلوم
کہ آج سے ہمیں اے نامہ بر جواب ہوا
منگائی تھی تری تصویر دل کی تسکیں کو
مجھے تو دیکھتے ہی اور اضطراب ہوا
ستم تمہارے بہت اور دن حساب کا ایک
مجھے ہے سوچ یہ ہی کس طرح حساب ہوا
ظفرؔ بدل کے ردیف اور تو غزل وہ سنا
کہ جس کا تجھ سے ہر اک شعر انتخاب ہوا
Jigar ke tukde hue jal ke dil kabab hua
Jigar ke tukde hue jal ke dil kabab hua
Ye ishq jaan ko mere koi azab hua
Kya jo qatl mujhe tum ne khoob kam kiya
Ki main azab se chhoota tumhen sawab hua
Kabhi to shifta usne kaha kabhi shaida
Gharz ki roz naya ik mujhe khitab hua
Piyu na rashk se khoon kyunkar dam-ba-dam apna
Ki saath ghair ke woh aaj hum-sharabi hua
Tumhare lab ke lab-e-jaam ne liye bose
Lab apne kaata kya main na kamyab hua
Gali gali teri khatir phira ba-chashm-e-pur-aab
Laga ke tujh se dil apna bahut kharab hua
Teri gali mein bahaye phire hai sail-e-sarishk
Hamara kasa-e-sar kya hua habab hua
Jawab-e-khat ke na likhne se ye hua maloom
Ki aaj se hamen ae nama-bar jawab hua
Mangayi thi teri tasveer dil ki taskin ko
Mujhe to dekhte hi aur iztirab hua
Sitam tumhare bahut aur din hisab ka ek
Mujhe hai soch ye hi kis tarah hisab hua
Zafar! Badal ke radeef aur tu ghazal woh suna
Ki jiska tujh se har ik sher intikhab hua
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں