خواہ کر انصاف ظالم خواہ کر بیداد تو — بہادرشاہ ظفر
شاعر
خواہ کر انصاف ظالم خواہ کر بیداد تو
خواہ کر انصاف ظالم خواہ کر بیداد تو
پر جو فریادی ہیں ان کی سن تو لے فریاد تو
دم بدم بھرتے ہیں ہم تیری ہوا خواہی کا دم
کر نہ بد خوؤں کے کہنے سے ہمیں برباد تو
کیا گنہ کیا جرم کیا تقصیر میری کیا خطا
بن گیا جو اس طرح حق میں مرے جلاد تو
قید سے تیری کہاں جائیں گے ہم بے بال و پر
کیوں قفس میں تنگ کرتا ہے ہمیں صیاد تو
دل کو دل سے راہ ہے تو جس طرح سے ہم تجھے
یاد کرتے ہیں کرے یوں ہی ہمیں بھی یاد تو
دل ترا فولاد ہو تو آپ ہو آئینہ وار
صاف یک باری سنے میری اگر روداد تو
شاد و خرم ایک عالم کو کیا اس نے ظفرؔ
پر سبب کیا ہے کہ ہے رنجیدہ و ناشاد تو
Khwah kar insaf zalim khwah kar bedad tu
Khwah kar insaf zalim khwah kar bedad tu
Par jo faryadi hain unki sun to le faryad tu
Dam-ba-dam bharte hain hum teri hawa-khwahi ka dam
Kar na bad-khoon ke kahne se hamen barbad tu
Kya gunah kya jurm kya taqseer meri kya khata
Ban gaya jo is tarah haq mein mere jallad tu
Qaid se teri kahan jayenge hum be-bal-o-par
Kyoon qafas mein tang karta hai hamen sayyad tu
Dil ko dil se rah hai to jis tarah se hum tujhe
Yaad karte hain kare yun hi hamen bhi yaad tu
Dil tera faulad ho to aap ho aaina-war
Saaf yak-bari sune meri agar roodad tu
Shad-o-khurram ek alam ko kiya usne Zafar!
Par sabab kya hai ki hai ranjida-o-nashad tu
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں