نہ دائم غم ہے نے عشرت کبھی یوں ہے کبھی ووں ہے — بہادرشاہ ظفر
شاعر
نہ دائم غم ہے نے عشرت کبھی یوں ہے کبھی ووں ہے
نہ دائم غم ہے نے عشرت کبھی یوں ہے کبھی ووں ہے
تبدل یاں ہے ہر ساعت کبھی یوں ہے کبھی ووں ہے
گریباں چاک ہوں گاہے اڑاتا خاک ہوں گاہے
لیے پھرتی مجھے وحشت کبھی یوں ہے کبھی ووں ہے
ابھی ہیں وہ مرے ہم دم ابھی ہو جائیں گے دشمن
نہیں اک وضع پر صحبت کبھی یوں ہے کبھی ووں ہے
جو شکل شیشہ گریاں ہوں تو مثل جام خنداں ہوں
یہی ہے یاں کی کیفیت کبھی یوں ہے کبھی ووں ہے
کسی وقت اشک ہیں جاری کسی وقت آہ اور زاری
غرض حال غم فرقت کبھی یوں ہے کبھی ووں ہے
کوئی دن ہے بہار گل پھر آخر ہے خزاں بالکل
چمن ہے منزل عبرت کبھی یوں ہے کبھی ووں ہے
ظفرؔ اک بات پر دائم وہ ہووے کس طرح قائم
جو اپنی پھیرتا نیت کبھی یوں ہے کبھی ووں ہے
Na dāyam gham hai ne ishrat kabhī yūñ hai kabhī vūñ hai
Na dāyam gham hai ne ishrat kabhī yūñ hai kabhī vūñ hai
Tabaddul yāñ hai har sā'at kabhī yūñ hai kabhī vūñ hai
Garebāñ chāk hūñ gāhe uṛātā khāk hūñ gāhe
Liye phirtī mujhe vahshat kabhī yūñ hai kabhī vūñ hai
Abhī haiñ wo mere hamdam abhī ho jā'eñge dushman
Nahīñ ik vaz'a par suhbat kabhī yūñ hai kabhī vūñ hai
Jo shakl-e-shīsha giryāñ hūñ to misl-e-jām-e-khandāñ hūñ
Yahī hai yāñ kī kaifīyat kabhī yūñ hai kabhī vūñ hai
Kisī vaqt ashk haiñ jārī kisī vaqt āh aur zārī
Gharaz hāl-e-gham-e-furqat kabhī yūñ hai kabhī vūñ hai
Ko'ī din hai bahār-e-gul phir ākhir hai khizāñ bilkul
Chaman hai manzil-e-'ibrat kabhī yūñ hai kabhī vūñ hai
Zafarؔ ik baat par dāyam wo hove kis tarah qā'im
Jo apnī phertā nīyat kabhī yūñ hai kabhī vūñ hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں