نباہ بات کا اس حیلہ گر سے کچھ نہ ہوا — بہادرشاہ ظفر
شاعر
نباہ بات کا اس حیلہ گر سے کچھ نہ ہوا
نباہ بات کا اس حیلہ گر سے کچھ نہ ہوا
ادھر سے کیا نہ ہوا پر ادھر سے کچھ نہ ہوا
جواب صاف تو لاتا اگر نہ لاتا خط
لکھا نصیب کا جو نامہ بر سے کچھ نہ ہوا
ہمیشہ فتنے ہی برپا کیے مرے سر پر
ہوا یہ اور تو اس فتنہ گر سے کچھ نہ ہوا
بلا سے گریۂ شب تو ہی کچھ اثر کرتا
اگرچہ عشق میں آہ سحر سے کچھ نہ ہوا
جلا جلا کے کیا شمع ساں تمام مجھے
بس اور تو مجھے سوز جگر سے کچھ نہ ہوا
رہیں عدو سے وہی گرم جوشیاں اس کی
اس آہ سرد اور اس چشم تر سے کچھ نہ ہوا
اٹھایا عشق میں کیا کیا نہ درد سر میں نے
حصول پر مجھے اس درد سر سے کچھ نہ ہوا
شب وصال میں بھی میری جان کو آرام
عزیزو درد جدائی کے ڈر سے کچھ نہ ہوا
نہ دوں گا دل اسے میں یہ ہمیشہ کہتا تھا
وہ آج لے ہی گیا اور ظفرؔ سے کچھ نہ ہوا
Nibah baat ka is heela-gar se kuchh na hua
Nibah baat ka is heela-gar se kuchh na hua
Idhar se kya na hua par udhar se kuchh na hua
Jawab saaf to lata agar na lata khat
Likha naseeb ka jo nama-bar se kuchh na hua
Hamesha fitne hi barpa kiye mere sar par
Hua yeh aur to is fitna-gar se kuchh na hua
Bala se girya-e-shab tu hi kuchh asar karta
Agarchih ishq mein aah-e-sahar se kuchh na hua
Jala jala ke kiya sham'a-san tamam mujhe
Bas aur to mujhe soz-e-jigar se kuchh na hua
Rahen adoo se wahi garm-joshiyan us ki
Is aah-e-sard aur is chashm-e-tar se kuchh na hua
Uthaya ishq mein kya kya na dard-e-sar main ne
Husool par mujhe is dard-e-sar se kuchh na hua
Shab-e-wisaal mein bhi meri jaan ko aaram
Azeezon dard-e-judai ke dar se kuchh na hua
Na doonga dil use main yeh hamesha kehta tha
Woh aaj le hi gaya aur Zafar! se kuchh na hua
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں