سب رنگ میں اس گل کی مرے شان ہے موجود — بہادرشاہ ظفر
شاعر
سب رنگ میں اس گل کی مرے شان ہے موجود
سب رنگ میں اس گل کی مرے شان ہے موجود
غافل تو ذرا دیکھ وہ ہر آن ہے موجود
ہر تار کا دامن کے مرے کر کے تبرک
سربستہ ہر اک خار بیابان ہے موجود
عریانی تن ہے یہ بہ از خلعت شاہی
ہم کو یہ ترے عشق میں سامان ہے موجود
کس طرح لگاوے کوئی داماں کو ترے ہاتھ
ہونے کو تو اب دست و گریبان ہے موجود
لیتا ہی رہا رات ترے رخ کی بلائیں
تو پوچھ لے یہ زلف پریشان ہے موجود
تم چشم حقیقت سے اگر آپ کو دیکھو
آئینۂ حق میں دل انسان ہے موجود
کہتا ہے ظفرؔ ہیں یہ سخن آگے سبھوں کے
جو کوئی یہاں صاحب عرفان ہے موجود
Sab rang mein is gul ki mere shaan hai maujood
Sab rang mein is gul ki mere shaan hai maujood
Ghafil tu zara dekh woh har aan hai maujood
Har taar ka daman ke mere kar kar ke tabarruk
Sarbasta har ek khaar-e-bayaban hai maujood
Uryani-e-tan hai yeh bah az khil'at-e-shahi
Ham ko yeh tere ishq mein saman hai maujood
Kis tarah lagawaye koi daman ko tere hath
Hone ko to ab dast-o-gareban hai maujood
Leta hi raha raat tere rukh ki balayen
Tu poochh le yeh zulf-e-pareshan hai maujood
Tum chashm-e-haqeeqat se agar aap ko dekho
Aaina-e-haq mein dil-e-insan hai maujood
Kehta hai Zafar! yeh sukhan aage sabhon ke
Jo koi yahan sahib-e-irfan hai maujood
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں