واں رسائی نہیں تو پھر کیا ہے — بہادرشاہ ظفر
شاعر
واں رسائی نہیں تو پھر کیا ہے
واں رسائی نہیں تو پھر کیا ہے
یہ جدائی نہیں تو پھر کیا ہے
ہو ملاقات تو صفائی سے
اور صفائی نہیں تو پھر کیا ہے
دل ربا کو ہے دل ربائی شرط
دل ربائی نہیں تو پھر کیا ہے
گلہ ہوتا ہے آشنائی میں
آشنائی نہیں تو پھر کیا ہے
اللہ اللہ رے ان بتوں کا غرور
یہ خدائی نہیں تو پھر کیا ہے
موت آئی تو ٹل نہیں سکتی
اور آئی نہیں تو پھر کیا ہے
مگس قاب اغنیا ہونا ہے
بے حیائی نہیں تو پھر کیا ہے
بوسۂ لب دل شکستہ کو
مومیائی نہیں تو پھر کیا ہے
نہیں رونے میں گر ظفرؔ تاثیر
جگ ہنسائی نہیں تو پھر کیا ہے
Waan rasaai nahin to phir kya hai
Waan rasaai nahin to phir kya hai
Ye judāī nahin to phir kya hai
Ho mulāqāt to safāī se
Aur safāī nahin to phir kya hai
Dil ruba ko hai dil rubāī shart
Dil rubāī nahin to phir kya hai
Gila hota hai aashnāī mein
Aashnāī nahin to phir kya hai
Allah Allah re un butoñ ka ghuroor
Ye khudāī nahin to phir kya hai
Maut aai to tal nahin sakti
Aur aai nahin to phir kya hai
Magas qaab-e-aghniya hona hai
Be-hayāī nahin to phir kya hai
Bosa-e-lab dil-shikasta ko
Mūmiyāī nahin to phir kya hai
Nahin rone mein gar Zafar taaṣīr
Jag hansāī nahin to phir kya hai
شاعر کے بارے میں
بہادر شاہ ظفر برصغیر کے آخری مغل فرمانروا اور اردو ادب کی ایک المناک مگر درخشاں شخصیت تھے۔ ان کا اصل نام ابو ظفر سراج الدین محمد تھا اور وہ 24 اکتو...
مکمل تعارف پڑھیں