عجب اپنا حال ہوتا جو وصال یار ہوتا — داغ دہلوی
شاعر
عجب اپنا حال ہوتا جو وصال یار ہوتا
عجب اپنا حال ہوتا جو وصال یار ہوتا
کبھی جان صدقے ہوتی کبھی دل نثار ہوتا
کوئی فتنہ تا قیامت نہ پھر آشکار ہوتا
ترے دل پہ کاش ظالم مجھے اختیار ہوتا
جو تمہاری طرح تم سے کوئی جھوٹے وعدے کرتا
تمہیں منصفی سے کہہ دو تمہیں اعتبار ہوتا
غم عشق میں مزا تھا جو اسے سمجھ کے کھاتے
یہ وہ زہر ہے کہ آخر مے خوش گوار ہوتا
یہ مزہ تھا دل لگی کا کہ برابر آگ لگتی
نہ تجھے قرار ہوتا نہ مجھے قرار ہوتا
نہ مزا ہے دشمنی میں نہ ہے لطف دوستی میں
کوئی غیر غیر ہوتا کوئی یار یار ہوتا
ترے وعدے پر ستم گر ابھی اور صبر کرتے
اگر اپنی زندگی کا ہمیں اعتبار ہوتا
یہ وہ درد دل نہیں ہے کہ ہو چارہ ساز کوئی
اگر ایک بار مٹتا تو ہزار بار ہوتا
گئے ہوش تیرے زاہد جو وہ چشم مست دیکھی
مجھے کیا الٹ نہ دیتے جو نہ بادہ خوار ہوتا
مجھے مانتے سب ایسا کہ عدو بھی سجدے کرتے
در یار کعبہ بنتا جو مرا مزار ہوتا
تمہیں ناز ہو نہ کیونکر کہ لیا ہے داغؔ کا دل
یہ رقم نہ ہاتھ لگتی نہ یہ افتخار ہوتا
Ajab apna haal hota jo visal-e-yar hota
Ajab apna haal hota jo visal-e-yar hota
Kabhi jaan sadqe hoti kabhi dil nisar hota
Koi fitna ta qayamat na phir ashkar hota
Tere dil pe kash zalim mujhe ikhtiyar hota
Jo tumhari tarah tum se koi jhoote wade karta
Tumhen munsifi se keh do tumhen aetibar hota
Gham-e-ishq mein maza tha jo use samajh ke khate
Yeh woh zehar hai ki akhir mein khush-gawar hota
Yeh maza tha dillagi ka ki barabar aag lagti
Na tujhe qarar hota na mujhe qarar hota
Na maza hai dushmani mein na hai lutf dosti mein
Koi ghair ghair hota koi yar yar hota
Tere wade par sitamgar abhi aur sabr karte
Agar apni zindagi ka hamein aetibar hota
Yeh woh dard-e-dil nahin hai ki ho chara-saz koi
Agar ek bar mitta to hazar bar hota
Gaye hosh tere zahid jo woh chashm-e-mast dekhi
Mujhe kya ult na dete jo na baada-khwar hota
Mujhe mante sab aisa ki adoo bhi sajde karte
Dar-e-yar Kaba banta jo mera mazaar hota
Tumhen naz ho na kyun kar ki le liya hai 'Dagh' ka dil
Yeh raqam na hath lagti na yeh iftikhar hota
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں