ان کے اک جاں نثار ہم بھی ہیں — داغ دہلوی
شاعر
ان کے اک جاں نثار ہم بھی ہیں
ان کے اک جاں نثار ہم بھی ہیں
ہیں جہاں سو ہزار ہم بھی ہیں
تم بھی بے چین ہم بھی ہیں بے چین
تم بھی ہو بے قرار ہم بھی ہیں
اے فلک کہہ تو کیا ارادہ ہے
عیش کے خواست گار ہم بھی ہیں
کھینچ لائے گا جذب دل ان کو
ہمہ تن انتظار ہم بھی ہیں
بزم دشمن میں لے چلا ہے دل
کیسے بے اختیار ہم بھی ہیں
شہر خالی کئے دکاں کیسی
ایک ہی بادہ خوار ہم بھی ہیں
شرم سمجھے ترے تغافل کو
واہ کیا ہوشیار ہم بھی ہیں
ہاتھ ہم سے ملاؤ اے موسیٰ
عاشق روئے یار ہم بھی ہیں
خواہش بادۂ طہور نہیں
کیسے پرہیزگار ہم بھی ہیں
تم اگر اپنی گوں کے ہو معشوق
اپنے مطلب کے یار ہم بھی ہیں
جس نے چاہا پھنسا لیا ہم کو
دلبروں کے شکار ہم بھی ہیں
آئی مے خانے سے یہ کس کی صدا
لاؤ یاروں کے یار ہم بھی ہیں
لے ہی تو لے گی دل نگاہ تری
ہر طرح ہوشیار ہم بھی ہیں
ادھر آ کر بھی فاتحہ پڑھ لو
آج زیر مزار ہم بھی ہیں
غیر کا حال پوچھئے ہم سے
اس کے جلسے کے یار ہم بھی ہیں
کون سا دل ہے جس میں داغؔ نہیں
عشق میں یادگار ہم بھی ہیں
Unke ek jaan-nisar hum bhi hain
Unke ek jaan-nisar hum bhi hain
Hain jahan sau hazar hum bhi hain
Tum bhi bechain hum bhi hain bechain
Tum bhi ho be-qarar hum bhi hain
Ae falak keh to kya irada hai
Aish ke khwastgar hum bhi hain
Kheench layega jazb-e-dil un ko
Hama-tan intezar hum bhi hain
Bazm-e-dushman mein le chala hai dil
Kaise be-ikhtiyar hum bhi hain
Shehar khali kiye dukan kaisi
Ek hi baada-khwar hum bhi hain
Sharm samjhe tere taghaful ko
Wah kya hoshiyar hum bhi hain
Haath hum se milao ae Musa
Aashiq-e-rue-yaar hum bhi hain
Khwahish-e-bada-e-tahoor nahin
Kaise parhezgar hum bhi hain
Tum agar apni goon ke ho mashooq
Apne matlab ke yaar hum bhi hain
Jis ne chaha phansa liya hum ko
Dilbaron ke shikar hum bhi hain
Aayi mai-khane se yeh kis ki sada
Lao yaaron ke yaar hum bhi hain
Le hi to le gi dil nigah teri
Har tarah hoshiyar hum bhi hain
Idhar aa kar bhi fatiha padh lo
Aaj zer-e-mazar hum bhi hain
Ghair ka haal poochhiye hum se
Uski jalse ke yaar hum bhi hain
Kaun sa dil hai jis mein Dagh nahin
Ishq mein yaadgar hum bhi hain
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں