دل چرا کر نظر چرائی ہے — داغ دہلوی
شاعر
دل چرا کر نظر چرائی ہے
دل چرا کر نظر چرائی ہے
لٹ گئے لٹ گئے دہائی ہے
ایک دن مل کے پھر نہیں ملتے
کس قیامت کی یہ جدائی ہے
اے اثر کر نہ انتظار دعا
مانگنا سخت بے حیائی ہے
میں یہاں ہوں وہاں ہے دل میرا
نارسائی عجب رسائی ہے
اس طرح اہل ناز ناز کریں
بندگی ہے کہ یہ خدائی ہے
پانی پی پی کے توبہ کرتا ہوں
پارسائی سی پارسائی ہے
وعدہ کرنے کا اختیار رہا
بات کرنے میں کیا برائی ہے
کب نکلتا ہے اب جگر سے تیر
یہ بھی کیا تیری آشنائی ہے
داغؔ ان سے دماغ کرتے ہیں
نہیں معلوم کیا سمائی ہے
Dil chura kar nazar churayi hai
Dil chura kar nazar churayi hai
Lut gaye lut gaye duhaayi hai
Ek din mil ke phir nahin milte
Kis qayamat ki yeh judai hai
Aye asar kar na intezar-e-dua
Mangna sakht be-hayai hai
Main yahan hoon wahan hai dil mera
Na-rasayi ajab rasayi hai
Is tarah ahl-e-naz naz karen
Bandagi hai ki yeh khudai hai
Pani pi pi ke tauba karta hoon
Parsayi si parsayi hai
Wada karne ka ikhtiyar raha
Baat karne mein kya burayi hai
Kab nikalta hai ab jigar se teer
Yeh bhi kya teri aashnai hai
'Dagh' in se dimagh karte hain
Nahin malum kya samayi hai
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں