دل کو کیا ہو گیا خدا جانے — داغ دہلوی
شاعر
دل کو کیا ہو گیا خدا جانے
دل کو کیا ہو گیا خدا جانے
کیوں ہے ایسا اداس کیا جانے
اپنے غم میں بھی اس کو صرفہ ہے
نہ کھلا جانے وہ نہ کھا جانے
اس تجاہل کا کیا ٹھکانا ہے
جان کر جو نہ مدعا جانے
کہہ دیا میں نے راز دل اپنا
اس کو تم جانو یا خدا جانے
کیا غرض کیوں ادھر توجہ ہو
حال دل آپ کی بلا جانے
جانتے جانتے ہی جانے گا
مجھ میں کیا ہے ابھی وہ کیا جانے
کیا ہم اس بد گماں سے بات کریں
جو ستائش کو بھی گلہ جانے
تم نہ پاؤ گے سادہ دل مجھ سا
جو تغافل کو بھی حیا جانے
ہے عبث جرم عشق پر الزام
جب خطاوار بھی خطا جانے
نہیں کوتاہ دامن امید
آگے اب دست نارسا جانے
جو ہو اچھا ہزار اچھوں کا
واعظ اس بت کو تو برا جانے
کی مری قدر مثل شاہ دکن
کسی نواب نے نہ راجا نے
اس سے اٹھے گی کیا مصیبت عشق
ابتدا کو جو انتہا جانے
داغؔ سے کہہ دو اب نہ گھبراؤ
کام اپنا بتا ہوا جانے
Dil ko kya ho gaya khuda jaane
Dil ko kya ho gaya khuda jaane
Kyun hai aisa udaas kya jaane
Apne gham mein bhi us ko sarfa hai
Na khula jaane woh na kha jaane
Is tajahul ka kya thikana hai
Jaan kar jo na muddaa jaane
Keh diya main ne raaz-e-dil apna
Is ko tum jaano ya khuda jaane
Kya gharaz kyun idhar tawajjuh ho
Haal-e-dil aap ki bala jaane
Jaante jaante hi jaane ga
Mujh mein kya hai abhi woh kya jaane
Kya hum us bad-gumaan se baat karein
Jo sitaaish ko bhi gila jaane
Tum na paoge saada-dil mujh sa
Jo taghaaful ko bhi haya jaane
Hai abas jurm-e-ishq par ilzaam
Jab khata-waar bhi khata jaane
Nahin kotah daaman-e-umeed
Aage ab dast-e-na-rasa jaane
Jo ho achchha hazaar achchhon ka
Wa'iz is but ko to bura jaane
Ki meri qadr misl-e-shah-e-Deccan
Kisi nawab ne na raja ne
Is se uthegi kya museebat-e-ishq
Ibtida ko jo intiha jaane
Daagh se keh do ab na ghabrao
Kaam apna bata hua jaane
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں