فلک دیتا ہے جن کو عیش ان کو غم بھی ہوتے ہیں — داغ دہلوی
شاعر
فلک دیتا ہے جن کو عیش ان کو غم بھی ہوتے ہیں
فلک دیتا ہے جن کو عیش ان کو غم بھی ہوتے ہیں
جہاں بجتے ہیں نقارے وہیں ماتم بھی ہوتے ہیں
گلے شکوے کہاں تک ہوں گے آدھی رات تو گزری
پریشاں تم بھی ہوتے ہو پریشاں ہم بھی ہوتے ہیں
جو رکھے چارہ گر کافور دونی آگ لگ جائے
کہیں یہ زخم دل شرمندہ مرہم بھی ہوتے ہیں
وہ آنکھیں سامری فن ہیں وہ لب عیسیٰ نفس دیکھو
مجھی پر سحر ہوتے ہیں مجھی پر دم بھی ہوتے ہیں
زمانہ دوستی پر ان حسینوں کی نہ اترائے
یہ عالم دوست اکثر دشمن عالم بھی ہوتے ہیں
بظاہر رہنما ہیں اور دل میں بدگمانی ہے
ترے کوچے میں جو جاتا ہے آگے ہم بھی ہوتے ہیں
ہمارے آنسوؤں کی آبداری اور ہی کچھ ہے
کہ یوں ہونے کو روشن گوہر شبنم بھی ہوتے ہیں
خدا کے گھر میں کیا ہے کام زاہد بادہ خواروں کا
جنہیں ملتی نہیں وہ تشنۂ زمزم بھی ہوتے ہیں
ہمارے ساتھ ہی پیدا ہوا ہے عشق اے ناصح
جدائی کس طرح سے ہو جدا توام بھی ہوتے ہیں
نہیں گھٹتی شب فرقت بھی اکثر ہم نے دیکھا ہے
جو بڑھ جاتے ہیں حد سے وہ ہی گھٹ کر کم بھی ہوتے ہیں
بچاؤں پیرہن کیا چارہ گر میں دست وحشت سے
کہیں ایسے گریباں دامن مریم بھی ہوتے ہیں
طبیعت کی کجی ہرگز مٹائے سے نہیں مٹتی
کبھی سیدھے تمہارے گیسوئے پر خم بھی ہوتے ہیں
جو کہتا ہوں کہ مرتا ہوں تو فرماتے ہیں مر جاؤ
جو غش آتا ہے تو مجھ پر ہزاروں دم بھی ہوتے ہیں
کسی کا وعدۂ دیدار تو اے داغؔ برحق ہے
مگر یہ دیکھیے دل شاد اس دن ہم بھی ہوتے ہیں
Falak deta hai jin ko aish un ko gham bhi hote hain
Falak deta hai jin ko aish un ko gham bhi hote hain
Jahan bajte hain naqaare wahin maatam bhi hote hain
Gile shikwe kahan tak honge aadhee raat toh guzri
Pareshan tum bhi hote ho pareshan hum bhi hote hain
Jo rakhe chara-gar kafur dooni aag lag jaaye
Kahin yeh zakhm-e-dil sharminda-e-marham bhi hote hain
Woh aankhein saamri-fan hain woh lab-e-eesa-nafas dekho
Muji par sehar hote hain muji par dam bhi hote hain
Zamana dosti par in haseenon ki na itraaye
Yeh aalam-e-dost aksar dushman-e-aalam bhi hote hain
Ba-zahir rahnuma hain aur dil mein bad-gumani hai
Tere kuche mein jo jaata hai aage hum bhi hote hain
Hamare aansuon ki aab-dari aur hi kuch hai
Ke yoon hone ko raushan gauhar-e-shabnam bhi hote hain
Khuda ke ghar mein kya hai kaam zaahid-e-baada-khwaron ka
Jinhein milti nahin woh tishna-e-Zamzam bhi hote hain
Hamare saath hi paida hua hai ishq ai naasih
Judaai kis tarah se ho juda taw'am bhi hote hain
Nahin ghat-ti shab-e-furqat bhi aksar hum ne dekha hai
Jo badh jaate hain had se woh hi ghat kar kam bhi hote hain
Bachaaun pairahan kya chara-gar main dast-e-wahshat se
Kahin aise gareban-e-daaman-e-Mariam bhi hote hain
Tabiyat ki kaji hargiz mitaye se nahin mit-ti
Kabhi seedhe tumhare gaisu-e-pur-kham bhi hote hain
Jo kehta hoon ke marta hoon toh farmate hain mar jaao
Jo ghish aata hai toh mujh par hazaaron dam bhi hote hain
Kisi ka wada-e-deedar toh ai Daagh barhaq hai
Magar yeh dekhiye dil shaad us din hum bhi hote hain
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں