ان آنکھوں نے کیا کیا تماشا نہ دیکھا — داغ دہلوی
شاعر
ان آنکھوں نے کیا کیا تماشا نہ دیکھا
ان آنکھوں نے کیا کیا تماشا نہ دیکھا
حقیقت میں جو دیکھنا تھا نہ دیکھا
تجھے دیکھ کر وہ دوئی اٹھ گئی ہے
کہ اپنا بھی ثانی نہ دیکھا نہ دیکھا
ان آنکھوں کے قربان جاؤں جنہوں نے
ہزاروں حجابوں میں پروانہ دیکھا
نہ ہمت نہ قسمت نہ دل ہے نہ آنکھیں
نہ ڈھونڈا نہ پایا نہ سمجھا نہ دیکھا
مریضان الفت کی کیا بے کسی ہے
مسیحا کو بھی چارہ فرما نہ دیکھا
بہت درد مندوں کو دیکھا ہے تو نے
یہ سینہ یہ دل یہ کلیجا نہ دیکھا
وہ کب دیکھ سکتا ہے اس کی تجلی
جس انسان نے اپنا ہی جلوا نہ دیکھا
بہت شور سنتے تھے اس انجمن کا
یہاں آ کے جو کچھ سنا تھا نہ دیکھا
صفائی ہے باغ محبت میں ایسی
کہ باد صبا نے بھی تنکا نہ دیکھا
اسے دیکھ کر اور کو پھر جو دیکھے
کوئی دیکھنے والا ایسا نہ دیکھا
وہ تھا جلوہ آرا مگر تو نے موسیٰ
نہ دیکھا نہ دیکھا نہ دیکھا نہ دیکھا
گیا کارواں چھوڑ کر مجھ کو تنہا
ذرا میرے آنے کا رستا نہ دیکھا
کہاں نقش اول کہاں نقش ثانی
خدا کی خدائی میں تجھ سا نہ دیکھا
تری یاد ہے یا ہے تیرا تصور
کبھی داغؔ کو ہم نے تنہا نہ دیکھا
In aankhon ne kya kya tamasha na dekha
In aankhon ne kya kya tamasha na dekha
Haqeeqat mein jo dekhna tha na dekha
Tujhe dekh kar woh doii uth gai hai
Ke apna bhi saani na dekha na dekha
In aankhon ke qurban jaaon jinohon ne
Hazaaron hijaabon mein parwana dekha
Na himmat na qismat na dil hai na aankhein
Na dhoonda na paya na samjha na dekha
Mareezan-e-ulfat ki kya be-kasi hai
Maseeha ko bhi chara-farma na dekha
Bahut dard-mandon ko dekha hai tu ne
Yeh seena yeh dil yeh kaleja na dekha
Woh kab dekh sakta hai us ki tajalli
Jis insaan ne apna hi jalwa na dekha
Bahut shor sunte the us anjuman ka
Yahan aa ke jo kuch suna tha na dekha
Safai hai bagh-e-mohabbat mein kaisi
Ke baad-e-saba ne bhi tinka na dekha
Use dekh kar aur ko phir jo dekhe
Koi dekhne wala aisa na dekha
Woh tha jalwa-ara magar tu ne Musa
Na dekha na dekha na dekha na dekha
Gaya karwan chhod kar mujh ko tanha
Zara mere aane ka rasta na dekha
Kahan naqsh-e-awwal kahan naqsh-e-saani
Khuda ki khudai mein tujh sa na dekha
Teri yaad hai ya hai tera tasawwur
Kabhi Daagh ko hum ne tanha na dekha
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں