رنج کی جب گفتگو ہونے لگی — داغ دہلوی
شاعر
رنج کی جب گفتگو ہونے لگی
رنج کی جب گفتگو ہونے لگی
آپ سے تم تم سے تو ہونے لگی
چاہیئے پیغام بر دونوں طرف
لطف کیا جب دو بہ دو ہونے لگی
میری رسوائی کی نوبت آ گئی
ان کی شہرت کو بہ کو ہونے لگی
ہے تری تصویر کتنی بے حجاب
ہر کسی کے رو بہ رو ہونے لگی
غیر کے ہوتے بھلا اے شام وصل
کیوں ہمارے رو بہ رو ہونے لگی
نا امیدی بڑھ گئی ہے اس قدر
آرزو کی آرزو ہونے لگی
اب کے مل کر دیکھیے کیا رنگ ہو
پھر ہماری جستجو ہونے لگی
داغؔ اترائے ہوئے پھرتے ہیں آج
شاید ان کی آبرو ہونے لگی
Ranj ki jab guftagu hone lagi
Ranj ki jab guftagu hone lagi
Aap se tum, tum se tu hone lagi
Chahiye paigham-bar dono taraf
Lutf kya jab do ba do hone lagi
Meri ruswai ki naubat aa gayi
Unki shohrat ku ba ku hone lagi
Hai teri tasveer kitni be-hijab
Har kisi ke ru ba ru hone lagi
Ghair ke hote bhala ae sham-e-vasl
Kyon hamare ru ba ru hone lagi
Na ummeedi badh gayi hai is qadar
Aarzoo ki aarzoo hone lagi
Ab ke mil kar dekhiye kya rang ho
Phir hamari justaju hone lagi
Dagh itraye hue phirte hain aaj
Shayad unki aabroo hone lagi
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں