صاف کب امتحان لیتے ہیں — داغ دہلوی
شاعر
صاف کب امتحان لیتے ہیں
صاف کب امتحان لیتے ہیں
وہ تو دم دے کے جان لیتے ہیں
یوں ہے منظور خانہ ویرانی
مول میرا مکان لیتے ہیں
تم تغافل کرو رقیبوں سے
جاننے والے جان لیتے ہیں
پھر نہ آنا اگر کوئی بھیجے
نامہ بر سے زبان لیتے ہیں
اب بھی گر پڑ کے ضعف سے نالے
ساتواں آسمان لیتے ہیں
تیرے خنجر سے بھی تو اے قاتل
نوک کی نوجوان لیتے ہیں
اپنے بسمل کا سر ہے زانو پر
کس محبت سے جان لیتے ہیں
یہ سنا ہے مرے لیے تلوار
اک مرے مہربان لیتے ہیں
یہ نہ کہہ ہم سے تیرے منہ میں خاک
اس میں تیری زبان لیتے ہیں
کون جاتا ہے اس گلی میں جسے
دور سے پاسبان لیتے ہیں
منزل شوق طے نہیں ہوتی
ٹھیکیاں ناتوان لیتے ہیں
کر گزرتے ہیں ہو بری کہ بھلی
دل میں جو کچھ وہ ٹھان لیتے ہیں
وہ جھگڑتے ہیں جب رقیبوں سے
بیچ میں مجھ کو سان لیتے ہیں
ضد ہر اک بات پر نہیں اچھی
دوست کی دوست مان لیتے ہیں
مستعد ہو کے یہ کہو تو سہی
آئیے امتحان لیتے ہیں
داغؔ بھی ہے عجیب سحر بیاں
بات جس کی وہ مان لیتے ہیں
Saaf kab imtihan lete hain
Saaf kab imtihan lete hain
Woh to dam de ke jaan lete hain
Yun hai manzoor khana-virani
Mol mera makan lete hain
Tum taghaful karo raqeebon se
Janne wale jaan lete hain
Phir na aana agar koi bheje
Nama-bar se zaban lete hain
Ab bhi gir pad ke zo'f se nale
Saatwaan aasman lete hain
Tere khanjar se bhi to ae qatil
Nok ki naujawan lete hain
Apne bismil ka sar hai zanu par
Kis mohabbat se jaan lete hain
Yeh suna hai mere liye talwar
Ek mere mehrban lete hain
Yeh na keh ham se tere munh mein khaak
Is mein teri zaban lete hain
Kaun jaata hai us gali mein jise
Door se pasban lete hain
Manzil-e-shauq tai nahin hoti
Theliyan natawan lete hain
Kar guzarte hain ho buri ke bhali
Dil mein jo kuch woh thaan lete hain
Woh jhagadte hain jab raqeebon se
Bich mein mujh ko saan lete hain
Zid har ek baat par nahin achhi
Dost ki dost maan lete hain
Musta'id ho ke yeh kaho to sahi
Aaiye imtihan lete hain
Dagh bhi hai ajeeb sehr-bayan
Baat jis ki woh maan lete hain
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں