تیری صورت کو دیکھتا ہوں میں — داغ دہلوی
شاعر
تیری صورت کو دیکھتا ہوں میں
تیری صورت کو دیکھتا ہوں میں
اس کی قدرت کو دیکھتا ہوں میں
جب ہوئی صبح آ گئے ناصح
انہیں حضرت کو دیکھتا ہوں میں
وہ مصیبت سنی نہیں جاتی
جس مصیبت کو دیکھتا ہوں میں
دیکھنے آئے ہیں جو میری نبض
ان کی صورت کو دیکھتا ہوں میں
موت مجھ کو دکھائی دیتی ہے
جب طبیعت کو دیکھتا ہوں میں
شب فرقت اٹھا اٹھا کر سر
صبح عشرت کو دیکھتا ہوں میں
دور بیٹھا ہوا سر محفل
رنگ صحبت کو دیکھتا ہوں میں
ہر مصیبت ہے بے مزا شب غم
آفت آفت کو دیکھتا ہوں میں
نہ محبت کو جانتے ہو تم
نہ مروت کو دیکھتا ہوں میں
کوئی دشمن کو یوں نہ دیکھے گا
جیسے قسمت کو دیکھتا ہوں میں
حشر میں داغؔ کوئی دوست نہیں
ساری خلقت کو دیکھتا ہوں میں
Teri surat ko dekhta hun main
Teri surat ko dekhta hun main
Uski qudrat ko dekhta hun main
Jab hui subh aa gaye nasih
Inhein Hazrat ko dekhta hun main
Woh museebat suni nahin jaati
Jis museebat ko dekhta hun main
Dekhne aaye hain jo meri nabz
Unki surat ko dekhta hun main
Maut mujh ko dikhai deti hai
Jab tabiyat ko dekhta hun main
Shab-e-furqat utha utha kar sar
Subh-e-ishrat ko dekhta hun main
Door baitha hua sar-e-mehfil
Rang-e-sohbat ko dekhta hun main
Har museebat hai be-maza shab-e-gham
Aafat aafat ko dekhta hun main
Na mohabbat ko jaante ho tum
Na murawwat ko dekhta hun main
Koi dushman ko yun na dekhega
Jaise qismat ko dekhta hun main
Hashr mein Dagh koi dost nahin
Saari khalqat ko dekhta hun main
شاعر کے بارے میں
جس کی غزلوں نے اردو زبان کو محبت کی مٹھاس، لہجے کی نزاکت اور بیان کی شوخی بخشی نواب مرزا خان داغ دہلوی۔ 25مئی 1831 کو دہلی میں پیدا ہونے والے داغ...
مکمل تعارف پڑھیں