چہرے سے کب عیاں ہے مرے اضطرار بھی — ڈاکٹر فخر عباس
شاعر
چہرے سے کب عیاں ہے مرے اضطرار بھی
چہرے سے کب عیاں ہے مرے اضطرار بھی
لیکن میں کر رہا ہوں ترا انتظار بھی
شاید تجھے ہو دسترس اپنے وجود پر
مجھ کو تو اس نظر پہ نہیں اختیار بھی
ملنے لگے ہیں اب تو خوشی کے لباس میں
غم ہائے زندگی کا ہے کوئی شمار بھی
ہو لاکھ خوبرو کوئی اپنے تئیں مگر
ہوتا ہے عکس و آئنے پر انحصار بھی
یکجا ہوئی ہیں حسن کی سب اس میں خوبیاں
چہرے پہ تازگی ہے نظر میں خمار بھی
لگتا ہے جان بوجھ کے ایسا کیا گیا
تو نے بنائی چیز کوئی پائیدار بھی
محظوظ ہم بھی ہوں گے جو فرصت کہیں ملے
گلشن بھی ہے گلاب بھی رنگ بہار بھی
فخر عباس
Chehre se kab ayan hai mere iztirab bhi
Chehre se kab ayan hai mere iztirab bhi
Lekin main kar raha hoon tera intizaar bhi
Shayad tujhe ho dastaras apne wajood par
Mujh ko to is nazar pe nahin ikhtiyar bhi
Milne lage hain ab to khushi ke libaas mein
Gham haye zindagi ka hai koi shumar bhi
Ho lakh khoob-roo koi apne taeen magar
Hota hai aks-o-aaine par inhasar bhi
Yakja hui hain husn ki sab is mein khoobiyan
Chehre pe tazgi hai nazar mein khumar bhi
Lagta hai jaan boojh ke aisa kiya gaya
Tune banayi cheez koi payedar bhi
Mahzooz hum bhi honge jo fursat kahin mile
Gulshan bhi hai gulab bhi rang-e-bahar bhi