گھر سے تمہاری دی ہوئی چیزیں نکال دیں — ڈاکٹر فخر عباس
شاعر
گھر سے تمہاری دی ہوئی چیزیں نکال دیں
گھر سے تمہاری دی ہوئی چیزیں نکال دیں
جیسے خود اپنے جسم سے سانسیں نکال دیں
دیکھا بس اک دفعہ اسے میں نے قریب سے
پھر اہل شہر نے مری آنکھیں نکال دیں
حیرت ہے اس نے قید بھی خود ہی کیا مجھے
پھر خود مرے فرار کی راہیں نکال دیں
کچھ اس نے بھی سہیلیوں کے منہ سے سن لیا
کچھ میرے دوستوں نے بھی باتیں نکال دیں
اک پل میں ختم ہو گئی عمر طویل بھی
جب زندگی سے ہجر کی راتیں نکال دیں
جانے وہ کس کے واسطے لکھی گئیں اے دوست
میں نے مسودے سے جو نظمیں نکال دیں
فخر عباس
Ghar se tumhari di hui cheezein nikaal dein
Ghar se tumhari di hui cheezein nikaal dein
Jaise khud apne jism se saansein nikaal dein
Dekha bas ik dafa use main ne qareeb se
Phir ehl-e-shehar ne meri aankhein nikaal dein
Hairat hai usne qaid bhi khud hi kiya mujhe
Phir khud mere farar ki raahein nikaal dein
Kuchh usne bhi saheliyon ke munh se sun liya
Kuchh mere doston ne bhi baatein nikaal dein
Ik pal mein khatm ho gayi umr-e-taweel bhi
Jab zindagi se hijr ki raatein nikaal dein
Jaane woh kis ke waste likhi gayin ae dost
Main ne masawwade se jo nazmein nikaal dein