غزلیں لکھ لکھ پاگل ہونے والا ہوں — ڈاکٹر فخر عباس
شاعر
غزلیں لکھ لکھ پاگل ہونے والا ہوں
غزلیں لکھ لکھ پاگل ہونے والا ہوں
جھوٹ نہیں اب سچ میں رونے والا ہوں
باتیں کرنا فون پہ جان اب چھوڑو بھی
خواب میں آؤ میں بھی سونے والا ہوں
ہاتھ پکڑ کر روک لو میری جان مجھے
پھر دنیا کی بھیڑ میں کھونے والا ہوں
اور نہ میلا کر دوں اس کے دامن کو
داغ جو اس کے دل سے دھونے والا ہوں
اس کو کس امید پہ اپنا بول دیا
میں تو اور کسی کا ہونے والا ہوں
گلی گلی بہلاتا پھرتا بچوں کو
تم سمجھو اک شخص کھلونے والا ہوں
کاغذ کے یہ پھول مہکتے تھوڑی ہیں
میں لفظوں کے ہار پرونے والا ہوں
فخر عباس
Ghazlein likh likh pagal hone wala hoon
Ghazlein likh likh pagal hone wala hoon
Jhoot nahin ab sach mein rone wala hoon
Baatein karna phone pe jaan ab chhodo bhi
Khwab mein aao main bhi sone wala hoon
Haath pakad kar rok lo meri jaan mujhe
Phir duniya ki bheed mein khone wala hoon
Aur na maila kar doon uske daaman ko
Daagh jo uske dil se dhone wala hoon
Usko kis umeed pe apna bol diya
Main to aur kisi ka hone wala hoon
Gali gali behlata phirta bachchon ko
Tum samjho ik shakhs khilone wala hoon
Kaghaz ke yeh phool mehakte thodi hain
Main lafzon ke haar pirone wala hoon