جو اس کے چہرے پہ رنگ حیا ٹھہر جائے — فرحت عباس شاہ
شاعر
جو اس کے چہرے پہ رنگ حیا ٹھہر جائے
جو اس کے چہرے پہ رنگ حیا ٹھہر جائے
تو سانس، وقت، سمندر، ہوا ٹھہر جائے
وہ مسکرائے تو ہنس ہنس پڑیں کئی موسم
وہ گنگنائے تو باد صبا ٹھہر جائے
سبک خرام صبا چال چل پڑے جب بھی
ہزار پھول سر راہ آ ٹھہر جائے
وہ ہونٹ ہونٹوں پہ رکھ دے اگر دم آخر
مجھے گماں ہے کہ آئی قضا ٹھہر جائے
میں اس کی آنکھوں میں جھانکوں تو جیسے جم جاؤں
وہ آنکھ جھپکے تو چاہوں ذرا ٹھہر جائے
Jo us ke chehre pe rang-e-haya thhehar jaaye
Jo us ke chehre pe rang-e-haya thhehar jaaye
To saans, waqt, samandar, hawa thhehar jaaye
Woh muskuraye to hans hans paDen kayi mausam
Woh gungunaye to baad-e-saba thhehar jaaye
Sabuk khiraam-e-saba chaal chal paDe jab bhi
Hazaar phool sar-e-raah aa thhehar jaaye
Woh hont honton pe rakh de agar dam-e-aakhir
Mujhe gumaan hai ke aayi qaza thhehar jaaye
Main us ki aankhon mein jhankoon to jaise jam jaaoon
Woh aankh jhapke to chaahon zara thhehar jaaye
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں