موت کا وقت گزر جائے گا — فرحت عباس شاہ
شاعر
موت کا وقت گزر جائے گا
موت کا وقت گزر جائے گا
یہ بھی سیلاب اتر جائے گا
آ گیا ہے جو کسی سکھ کا خیال
مجھ کو چھوئے گا تو مر جائے گا
کیا خبر تھی مرا خاموش مکاں
اپنی آواز سے ڈر جائے گا
آ گیا ہے جو دکھوں کا موسم
کچھ نہ کچھ تو کہیں دھر جائے گا
جھوٹ بولے گا تو کیا ہے اس میں
کوئی وعدا بھی تو کر جائے گا
اس کے بارے میں بہت سوچتا ہوں
مجھ سے بچھڑا تو کدھر جائے گا
چل نکلنے سے بہت ڈرتا ہوں
کون پھر لوٹ کے گھر جائے گا
Maut Ka Waqt Guzar Jaye Ga
Maut ka waqt guzar jaye ga
Yeh bhi sailab utar jaye ga
Aa gaya hai jo kisi sukh ka khayal
Mujh ko chhue ga to mar jaye ga
Kya khabar thi mera khamosh makan
Apni awaaz se dar jaye ga
Aa gaya hai jo dukhon ka mausam
Kuchh na kuchh to kahin dhar jaye ga
Jhoot bole ga to kya hai is mein
Koi wada bhi to kar jaye ga
Us ke bare mein bahut sochta hoon
Mujh se bichhda to kidhar jaye ga
Chal nikalne se bahut darta hoon
Kaun phir laut ke ghar jaye ga
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں