محبت ذات ہوتی ہے۔۔ — فرحت عباس شاہ
شاعر
محبت ذات ہوتی ہے۔۔
محبت ذات ہوتی ہے۔۔!!
محبت ذات کی تکمیل ہوتی ہے۔۔!!
کوئی جنگل میں جا ٹھہرے،
کسی بستی میں بس جائے،
محبت ساتھ ہوتی ہے۔۔!!
محبت خوشبوؤں کی لے،
محبت موسموں کی دُھن۔۔
محبت آبشاروں کے،
نکھرتے پانیوں کا من۔۔
محبت جنگلوں میں رقص کرتی،
مورنی کا تن۔۔
محبت چلچلاتے ، گرم صحراؤں میں،
ٹھنڈے چھاؤں کی مانند۔۔
محبت برف پڑتی سردیوں میں ،
دھوپ بنتی ہے۔۔!!
محبت دل۔۔۔۔۔۔محبت جان۔۔۔
محبت روح کا درمان۔۔
محبت مورتی ہے۔۔
اور کبھی،
دل کے مندر میں
کہیں پر ٹوٹ جائے تو۔۔
محبت کانچ کی گڑیا
اور فضاؤں میں کسی کے ہاتھ سے
گر چھوٹ جائے تو۔۔
محبت آبلا ہے کرب کا۔۔
اور پھوٹ جائے تو،
محبت روگ ہوتی ہے۔۔
محبت سوگ ہوتی ہے۔۔
محبت شام ہوتی ہے۔۔
محبت رات ہوتی ہے۔۔
محبت جھلملاتی آنکھ میں
برسات ہوتی ہے۔۔
محبت نیند کی رُت میں
حسیں خواب کے رستے پر،
سلگتے، جان کو آتے
رتجگوں کی گھات ہوتی ہے۔۔
محبت جیت ہوتی ہے،
محبت مات ہوتی ہے۔۔
محبت۔۔۔۔ذات ہوتی ہے۔۔!!!!!
Mohabbat zaat hoti hai..!!
Mohabbat zaat hoti hai..!!
Mohabbat zaat ki takmeel hoti hai..!!
Koi jangal mein ja thhahre,
Kisi basti mein bas jaaye,
Mohabbat saath hoti hai..!!
Mohabbat khushbu'on ki lay,
Mohabbat mausamon ki dhun..
Mohabbat aabshaaron ke,
Nikhharte paaniyon ka mann..
Mohabbat jangalon mein raqs karti,
Morni ka tann..
Mohabbat chilchilate, garam sahraon mein,
Thande chhaon ki manind..
Mohabbat barf padti sardiyon mein,
Dhoop banti hai..!!
Mohabbat dil......Mohabbat jaan....
Mohabbat rooh ka darmaan..
Mohabbat murti hai..
Aur kabhi,
Dil ke mandar mein
Kahin par toot jaaye to..
Mohabbat kaanch ki gudiya
Aur fazaon mein kisi ke haath se
Gir chhoot jaaye to..
Mohabbat aabla hai karb ka..
Aur phooT jaaye to,
Mohabbat rog hoti hai..
Mohabbat sog hoti hai..
Mohabbat shaam hoti hai..
Mohabbat raat hoti hai..
Mohabbat jhilmilati aankh mein
Barsaat hoti hai..
Mohabbat neend ki rut mein
Haseen khwab ke raste par,
Sulagte, jaan ko aate
Ratjagon ki ghaat hoti hai..
Mohabbat jeet hoti hai,
Mohabbat maat hoti hai..
Mohabbat....zaat hoti hai..!!!!!
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں