راستے راستے ہوا اداس اداس — فرحت عباس شاہ
شاعر
راستے راستے ہوا اداس اداس
راستے راستے ہوا اداس اداس
کیوں ہوئے اے خدا اداس اداس
بے خیالی میں کٹ گئے موسم
کوئی پھرتا رہا اداس اداس
جانے کیا ہو گیا ہے فرحت کو
مضطرب، چپ، فضا اداس اداس
کوئی گھر سے آگیا تھکا ہارا
کوئی گھر سے چلا اداس اداس
کچھ نئی ہوگئی ہے دل کے ساتھ
پہلے اتنا نہ تھا اداس اداس
پھیلتا جا رہا تھا ہاتھوں پر
کوئی رنگ حنا اداس اداس
Raaste raaste hawa udaas udaas
Raaste raaste hawa udaas udaas
Kyon hue ae Khuda udaas udaas
Be-khayali mein kaT gaye mausam
Koi phirta raha udaas udaas
Jaane kya ho gaya hai Farhatؔ ko
Muztarib, chup, fiza udaas udaas
Koi ghar se aa gaya thaka hara
Koi ghar se chala udaas udaas
Kuchh nayi ho gai hai dil ke saath
Pehle itna na tha udaas udaas
Phelta ja raha tha haathon par
Koi rang-e-hina udaas udaas
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں