رات کی مہربان فضا کی طرح — فرحت عباس شاہ
شاعر
رات کی مہربان فضا کی طرح
رات کی مہربان فضا کی طرح
کوئی تو ڈھونڈتا ہوا کی طرح
اب تری یاد، یاد آتی ہے
مجھ کو بھولی ہوئی قضا کی طرح
کیا کوئی اتنا پیار کرتا ہے
کوئی ہوتا ہے کیا خدا کی طرح
شہر میں آپ کی ضرورت تھی
گم ہوئے آپ بھی وفا کی طرح
گونجتا ہے کبھی کبھی فرحت
میرے اندر کوئی خلا کی طرح
Raat ki mehrbaan faza ki tarah
Raat ki mehrbaan faza ki tarah
Koi to dhundta hawa ki tarah
Ab teri yaad, yaad aati hai
Mujh ko bhooli hui qaza ki tarah
Kya koi itna pyar karta hai
Koi hota hai kya Khuda ki tarah
Shahar mein aap ki zarurat thi
Gum hue aap bhi wafa ki tarah
Goonjta hai kabhi kabhi Farhatؔ
Mere andar koi khala ki tarah
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں