صحرا ہے نہ بازار ہے دیوار کے اُس پار — فرحت عباس شاہ
شاعر
صحرا ہے نہ بازار ہے دیوار کے اُس پار
صحرا ہے نہ بازار ہے دیوار کے اُس پار
دیوار ہی دیوار ہے، دیوار کے اس پار
بیٹھا ہے کوئی گھات لگائے ہوئے مجھ پر
خاموشی لگاتار ہے دیوار کے اس پار
آتی ہیں کراہیں، کبھی آہیں، کبھی سسکی
شاید کوئی بیمار ہے دیوار کے اس پار
اب صرف نظر آتی ہیں مجھ کو میری آنکھیں
اب جھانکنا بے کار ہے، دیوار کے اس پار
کہتا ہے پرندے بڑے آزاد ہیں، لیکن
زنجیر کی جھنکار ہے دیوار کے اس پار
دل بجنے کی، پہلو کو بدلنے کی ہے آواز
کوئی تو آوازار ہے دیوار کے اس پار
تقسیم ہوا دل تو ادھر شہر خموشاں
اور شہر عزادار ہے دیوار کے اس پار
یا کھیل کوئی اور خطرناک ہے جاری
یا کوئی مِرا یار ہے دیوار کے اس پار
یہ خوف شکنجے کی طرح مجھ کو ہے لاحق
بستی کوئی خونخوار ہے دیوار کے اس پار
کوئی بھی نہیں ایسا جو مجرم نہیں میرا
ہر شخص گناہگار ہے دیوار کے اس پار
پہلے مجھے دیوار کے اس پار اتارا
اب میرا طلبگار ہے دیوار کے اس پار
میں تنہا نکل پڑنے کو اٹھ بیٹھا ہوں فرحت
لشکر کوئی تیار ہے دیوار کے اس پار
Sehra hai na bazaar hai deewar ke us paar
Sehra hai na bazaar hai deewar ke us paar
Deewar hi deewar hai, deewar ke us paar
Baitha hai koi ghaat lagaye hue mujh par
Khamoshi lagataar hai deewar ke us paar
Aati hain karahen, kabhi aahen, kabhi siski
Shayad koi beemar hai deewar ke us paar
Ab sirf nazar aati hain mujh ko meri aankhen
Ab jhaankna bekaar hai, deewar ke us paar
Kehta hai parinde bade aazad hain, lekin
Zanjeer ki jhankaar hai deewar ke us paar
Dil bajne ki, pehlu ko badalne ki hai awaaz
Koi to awaaz-aar hai deewar ke us paar
Taqseem hua dil to idhar shahar-e-khamoshan
Aur shahar-e-azaadar hai deewar ke us paar
Ya khel koi aur khatarnak hai jaari
Ya koi mira yaar hai deewar ke us paar
Yeh khauf shikanke ki tarah mujh ko hai lahiq
Basti koi khoonkhwar hai deewar ke us paar
Koi bhi nahin aisa jo mujrim nahin mera
Har shakhs gunahgaar hai deewar ke us paar
Pehle mujhe deewar ke us paar utara
Ab mera talabgaar hai deewar ke us paar
Main tanha nikal padne ko uth baitha hoon Farhatؔ
Lashkar koi tayyar hai deewar ke us paar
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں