تو نے دیکھا ہے کبھی ایک نظر شام کے بعد — فرحت عباس شاہ
شاعر
تو نے دیکھا ہے کبھی ایک نظر شام کے بعد
تو نے دیکھا ہے کبھی ایک نظر شام کے بعد
کتنے چپ چاپ سے لگتے ہیں شجر شام کے بعد
اتنے چپ چاپ کہ رستے بھی رہیں گے لا علم
چھوڑ جائیں گے کسی روز نگر شام کے بعد
میں نے ایسے ہی گنہ تیری جدائی میں کئے
جیسے طوفاں میں کوئی چھوڑ دے گھر شام کے بعد
شام سے پہلے وہ مست اپنی اڑانوں میں رہا
جس کے ہاتھوں میں تھے ٹوٹے ہوئے پر شام کے بعد
رات بیتی تو گنے آبلے اور پھر سوچا
کون تھا باعث آغاز سفر شام کے بعد
تو ہے سورج تجھے معلوم کہاں رات کا دکھ
تو کسی روز مرے گھر میں اتر شام کے بعد
لوٹ آئے نہ کسی روز وہ آوارہ مزاج
کھول رکھتے ہیں اسی آس پہ در شام کے بعد
Tu ne dekha hai kabhi ek nazar sham ke baad
Tu ne dekha hai kabhi ek nazar shaam ke baad
Kitne chup chap se lagte hain shajar shaam ke baad
Itne chup chap ke raste bhi rahenge laa ilm
Chhod jayenge kisi roz nagar shaam ke baad
Main ne aise hi gunah teri judaai mein kiye
Jaise toofan mein koi chhod de ghar shaam ke baad
Shaam se pehle woh mast apni udaano mein raha
Jis ke haathon mein thhe toote hue par shaam ke baad
Raat beeti to gine aable aur phir socha
Kaun tha baais-e-aaghaz-e-safar shaam ke baad
Tu hai suraj tujhe maloom kahan raat ka dukh
Tu kisi roz mere ghar mein utar shaam ke baad
LauT aaye na kisi roz woh aawara mizaaj
Khol rakhte hain isi aas pe dar shaam ke baad
شاعر کے بارے میں
فرحت عباس شاہ پاکستان کے ممتاز، ہم عصر اور ہمہ جہت شاعر، ادیب، فلسفی اور سماجی دانش ور ہیں جنہیں 23 مارچ 2023 کو حکومتِ پاکستان نے ان کی ادبی و فک...
مکمل تعارف پڑھیں