آپ بیتی کوئی سمجھے تو بتاؤں میں بھی — ہمانشی بابرہ
شاعر
آپ بیتی کوئی سمجھے تو بتاؤں میں بھی
آپ بیتی کوئی سمجھے تو بتاؤں میں بھی
مجھ کو سننا کوئی چاہے تو سناؤں میں بھی
میری آنکھیں ہی سہارا نہیں دیتیں ورنہ
چاہتی ہوں تری تصویر بناؤں میں بھی
تو کہ مصروف ہے دنیا کی پریشانی میں
تجھ کو کس منہ سے پریشانی بتاؤں میں بھی
ہجر کی دھوپ ترا جسم جلائے کب تک
تیری امید کے پردوں کو ہٹاؤں میں بھی
یہ تو اب قوت گویائی نہیں ہے ورنہ
تیری آواز میں آواز ملاؤں میں بھی
Aap beeti koi samjhe toh bataun main bhi
Aap beeti koi samjhe toh bataun main bhi
Mujh ko sunna koi chahe toh sunaun main bhi
Meri aankhein hi sahara nahin detein warna
Chahti hoon teri tasveer banaun main bhi
Tu ke masroof hai duniya ki pareshani mein
Tujh ko kis munh se pareshani bataun main bhi
Hijr ki dhoop tera jism jalaye kab tak
Teri umeed ke pardeon ko hataun main bhi
Yeh toh ab quwwat-e-goyai nahin hai warna
Teri aawaz mein aawaz milaun main bhi