دل کی حالت سنبھل گئی ہے اب — ہمانشی بابرہ
شاعر
دل کی حالت سنبھل گئی ہے اب
دل کی حالت سنبھل گئی ہے اب
یاد آگے نکل گئی ہے اب
کل تو شامل تھا میری قسمت میں
میری قسمت بدل گئی ہے اب
وہ مرا حال تم سے پوچھے تو
اس سے کہنا سنبھل گئی ہے اب
تیری یادیں تھیں برف کے مانند
برف پوری پگھل گئی ہے اب
لوگ صحرا کی سمت بھاگیں گے
شہر میں آگ جل گئی ہے اب
آگ رنگوں کی بجھ گئی یعنی
میری تصویر جل گئی ہے اب
Dil ki halat sambhal gayi hai ab
Dil ki halat sambhal gayi hai ab
Yaad aage nikal gayi hai ab
Kal toh shamil tha meri qismat mein
Meri qismat badal gayi hai ab
Woh mera haal tum se poochhe toh
Uss se kehna sambhal gayi hai ab
Teri yaadein thien barf ke manind
Barf poori pighal gayi hai ab
Log sehra ki simt bhagenge
Shehar mein aag jal gayi hai ab
Aag rangon ki bujh gayi yaani
Meri tasveer jal gayi hai ab