رسم آوارگی سوغات نہیں ہوتی ہے — ہمانشی بابرہ
شاعر
رسم آوارگی سوغات نہیں ہوتی ہے
رسم آوارگی سوغات نہیں ہوتی ہے
میری صحرا سے ملاقات نہیں ہوتی ہے
بس سوالات کے دیتا ہے جوابات مجھے
بات ہوتی ہے مگر بات نہیں ہوتی ہے
اپنی حسرت کا گلا گھونٹ دیا ہے میں نے
اب دلاسوں سے ملاقات نہیں ہوتی ہے
میں نے سوچا نہ تھا دنیا سے کہوں گا یہ بھی
آج کل تجھ سے مری بات نہیں ہوتی ہے
یہ تو بادل ہے جو رستے سے بھٹک جاتا ہے
ورنہ صحراؤں میں برسات نہیں ہوتی ہے
Rasm awargi saughat nahin hoti hai
Rasm awargi saughat nahin hoti hai
Meri sehra se mulaqat nahin hoti hai
Bas sawalat ke deta hai jawabat mujhe
Baat hoti hai magar baat nahin hoti hai
Apni hasrat ka gala ghoont diya hai maine
Ab dilason se mulaqat nahin hoti hai
Maine socha na tha duniya se kahunga yeh bhi
Aaj kal tujh se meri baat nahin hoti hai
Yeh toh badal hai jo raste se bhatak jata hai
Warna sehraon mein barsaat nahin hoti hai