عذاب وحشت جاں کا صلہ نہ مانگے کوئی — افتخارعارف
شاعر
عذاب وحشت جاں کا صلہ نہ مانگے کوئی
عذاب وحشت جاں کا صلہ نہ مانگے کوئی
نئے سفر کے لیے راستہ نہ مانگے کوئی
بلند ہاتھوں میں زنجیر ڈال دیتے ہیں
عجیب رسم چلی ہے دعا نہ مانگے کوئی
تمام شہر مکرم بس ایک مجرم میں
سو میرے بعد مرا خوں بہا نہ مانگے کوئی
کوئی تو شہر تذبذب کے ساکنوں سے کہے
نہ ہو یقین تو پھر معجزہ نہ مانگے کوئی
عذاب گرد خزاں بھی نہ ہو بہار بھی آئے
اس احتیاط سے اجر وفا نہ مانگے کوئی
Azaab Wahshat-e-Jaan Ka Sila Na Maange Koi
Azaab-e-wahshat-e-jaan ka sila na maange koi
Naye safar ke liye raasta na maange koi
Buland haathon mein zanjeer daal dete hain
Ajeeb rasm chali hai, dua na maange koi
Tamaam shehar mukarram bas ek mujrim mein
So mere baad mera khoon baha na maange koi
Koi to shehar-e-tazabzub ke saakino se kahe
Na ho yaqeen to phir mojza na maange koi
Azaab-e-gard-e-khizan bhi na ho bahaar bhi aaye
Is ehtiyaat se ajr-e-wafa na maange koi
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں