مقدر ہو چکا ہے بے در و دیوار رہنا — افتخارعارف
شاعر
مقدر ہو چکا ہے بے در و دیوار رہنا
مقدر ہو چکا ہے بے در و دیوار رہنا
کہیں طے پا رہا ہے شہر کا مسمار رہنا
نمودِ خواب کے اور انہدامِ خواب کے بیچ
قیامت مرحلہ ہے دل کا ناہموار رہنا
دلوں کے درمیاں دوری کے دن ہیں اور ہم کو
اسی موسم میں تنہا برسرِ پیکار رہنا
اندھیری رات اور شورِ سگان کوئے دُشنام
اور ایسے میں کسی اک آنکھ کا بیدار رہنا
تماشا کرنے والے آ رہے ہیں جوق در جوق
گروہ ِپابجولاں! رقص کو تیار رہنا
ہوائے کوئے قاتل بے ادب ہونے لگی ہے
چراغِ جادهٔ صدق و صفا ہشیار رہنا
یہ دشواری تو آسانی کا خمیازہ ہے ورنہ
بہت ہی سہل تھا ہم کو بہت دشوار رہنا
ادھر کچھ دن سے اس بستی کو راس آنے لگا ہے
ہم آشفتہ سروں کے در پے آزار رہنا
Muqaddar Ho Chuka Hai Be Dar O Deewar Rehna
Muqaddar ho chuka hai be-dar-o-deewar rehna
Kahin tai pa raha hai shehar ka mismaar rehna
Namood-e-khwab ke aur inhedaam-e-khwab ke beech
Qayamat marhala hai dil ka na-hamwar rehna
Dilon ke darmiyan doori ke din hain aur hum ko
Usi mausam mein tanha bar-sar-e-paikar rehna
Andheri raat aur shor-e-saggan-e-koo-e-dushnam
Aur aise mein kisi ek aankh ka bedaar rehna
Tamasha karne wale aa rahe hain jooq dar jooq
Guroh-e-pa-ba-jolan! raqs ko tayyar rehna
Hawa-e-koo-e-qatil be-adab hone lagi hai
Charagh-e-jada-e-sidq-o-safa hushiyar rehna
Yeh dushwari to aasani ka khamiyaza hai warna
Bahut hi sehal tha hum ko bahut dushwar rehna
Idhar kuchh din se is basti ko raas aane laga hai
Hum aashufta-saron ke dar pe azaar rehna
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں