جاہ و جلال دام و درہم اور کتنی دیر — افتخارعارف
شاعر
جاہ و جلال دام و درہم اور کتنی دیر
جاہ و جلال, دام و درہم اور کتنی دیر
ریگِ رواں پہ نقش قدم اور کتنی دیر
اب اور کتنی دیر یہ دہشت، یہ ڈر، یہ خوف
گرد و غبار عہدِ ستم اور کتنی دیر
حلقہ بگوشوں، عرض گزاروں کے درمیان
یہ تمکنت، یہ زعمِ کرم اور کتنی دیر
پل بھر میں ہو رہے گا حسابِ نبود و بود
پیچ و خم و وجود و عدم اور کتنی دیر
دامن کے سارے چاک، گریباں کے سارے چاک
ہو بھی گئے بہم تو بہم اور کتنی دیر
شام آ رہی ہے، ڈوبتا سورج بتائے گا
تم اور کتنی دیر ہو، ہم اور کتنی دیر
Jaah O Jalal Daam O Dirham Aur Kitni Der
Jaah-o-jalal, daam-o-dirham aur kitni der
Reg-e-rawan pe naqsh-e-qadam aur kitni der
Ab aur kitni der yeh dehshat, yeh dar, yeh khauf
Gard-o-ghubaar-e-ahad-e-sitam aur kitni der
Halqa-ba-gosho, arz-guzaron ke darmiyan
Yeh tamkanat, yeh za'm-e-karam aur kitni der
Pal bhar mein ho rahega hisab-e-nabood-o-bood
Pech-o-kham-o-wajood-o-adam aur kitni der
Daman ke saare chaak, girebaan ke saare chaak
Ho bhi gaye baham to baham aur kitni der
Shaam aa rahi hai, doobta suraj batayega
Tum aur kitni der ho, hum aur kitni der
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں