دیار نور میں تیرہ شبوں کا ساتھی ہو — افتخارعارف
شاعر
دیار نور میں تیرہ شبوں کا ساتھی ہو
دیار نور میں تیرہ شبوں کا ساتھی ہو
کوئی تو ہو جو مری وحشتوں کا ساتھی ہو
میں اس سے جھوٹ بھی بولوں تو مجھ سے سچ بولے
مرے مزاج کے سب موسموں کا ساتھی ہو
میں اس کے ہاتھ نہ آؤں وہ میرا ہو کے رہے
میں گر پڑوں تو مری پستیوں کا ساتھی ہو
وہ میرے نام کی نسبت سے معتبر ٹھہرے
گلی گلی مری رسوائیوں کا ساتھی ہو
کرے کلام جو مجھ سے تو میرے لہجے میں
میں چپ رہوں تو مرے تیوروں کا ساتھی ہو
میں اپنے آپ کو دیکھوں وہ مجھ کو دیکھے جائے
وہ میرے نفس کی گمراہیوں کا ساتھی ہو
وہ خواب دیکھے تو دیکھے مرے حوالے سے
مرے خیال کے سب منظروں کا ساتھی ہو
Dayar-e-Noor Mein Teera Shaboon Ka Saathi Ho
Diyar-e-noor mein teerah shabon ka saathi ho
Koi to ho jo meri wahshaton ka saathi ho
Main us se jhoot bhi boloon to mujh se sach bole
Mere mizaaj ke sab mausamon ka saathi ho
Main us ke haath na aaun woh mera ho ke rahe
Main gir padun to meri pastiyon ka saathi ho
Woh mere naam ki nisbat se mo'atabar thehre
Gali gali meri ruswaiyon ka saathi ho
Kare kalaam jo mujh se to mere lahje mein
Main chup rahoon to mere tewaron ka saathi ho
Main apne aap ko dekhun woh mujh ko dekhe jaaye
Woh mere nafs ki gumrahiyon ka saathi ho
Woh khwab dekhe to dekhe mere hawale se
Mere khayal ke sab manaziron ka saathi ho
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں