ہمیں خبر تھی کہ یہ درد اب تھمے گا نہیں — افتخارعارف
شاعر
ہمیں خبر تھی کہ یہ درد اب تھمے گا نہیں
ہمیں خبر تھی کہ یہ درد اب تھمے گا نہیں
یہ دل کا ساتھ بہت دیر تک رہے گا نہیں
ہمیں خبر تھی کوئی آنکھ نم نہیں ہو گی
ہمارے غم میں کہیں کوئی دل دکھے گا نہیں
ہمیں خبر تھی کہ اک روز یہ بھی ہونا ہے
کہ ہم کلام کریں گے کوئی سنے گا نہیں
ہماری دربدری جانتی تھی برسوں سے
گھر آئیں گے بھی تو کوئی پناہ دے گا نہیں
ہماری طرح نہ آئے گا کوئی نرغے میں
ہماری طرح کوئی قافلہ لٹے گا نہیں
نمودِ خواب کی باتیں شکستِ خواب کا ذکر
ہمارے بعد یہ قصے کوئی کہے گا نہیں
Humein Khabar Thi Ke Yeh Dard Ab Thamega Nahin
Humein khabar thi ke yeh dard ab thamega nahin
Yeh dil ka saath bahut der tak rahega nahin
Humein khabar thi koi aankh nam nahin hogi
Hamare gham mein kahin koi dil dukhega nahin
Humein khabar thi ke ik roz yeh bhi hona hai
Ke hum kalaam karenge koi sunega nahin
Hamari dar-badari jaanti thi barson se
Ghar aayenge bhi to koi panah dega nahin
Hamari tarah na aayega koi narghe mein
Hamari tarah koi qaafila lutega nahin
Namood-e-khwab ki baten, shikast-e-khwab ka zikr
Hamare baad yeh qisse koi kahega nahin
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں