خواب دیکھنے والی آنکھیں پتھر ہوں گی تب سوچیں گے — افتخارعارف
شاعر
خواب دیکھنے والی آنکھیں پتھر ہوں گی تب سوچیں گے
خواب دیکھنے والی آنکھیں پتھر ہوں گی تب سوچیں گے
سندر کومل دھیان تتلیاں بے پر ہوں گی تب سوچیں گے
رس برسانے والے بادل اور طرف کیوں اڑ جاتے ہیں
ہری بھری شاداب کھیتیاں بنجر ہوں گی تب سوچیں گے
بستی کی دیوار پہ کس نے ان ہونی باتیں لکھ دی ہیں
اس ان جانے ڈر کی باتیں گھر گھر ہوں گی تب سوچیں گے
مانگے کے پھولوں سے کب تک روپ سروپ کا مان بڑھے گا
اپنے آنگن کی مہکاریں بے گھر ہوں گی تب سوچیں گے
بیتی رت کی سب پہچانیں بھول گئے تو پھر کیا ہوگا
گئے دنوں کی یادیں جب بے منظر ہوں گی تب سوچیں گے
آنے والے کل کا سواگت کیسے ہوگا کون کرے گا
جلتے ہوئے سورج کی کرنیں سر پر ہوں گی تب سوچیں گے
Khwab Dekhne Wali Aankhen Patthar Hongi Tab Sochen Ge
Khwab dekhne wali aankhen patthar hongi tab sochen ge
Sundar komal dhyan titliyan be-par hongi tab sochen ge
Ras barsane wale badal aur taraf kyun ud jaate hain
Hari bhari shadaab khetiyaan banjar hongi tab sochen ge
Basti ki deewar pe kis ne unhoni baten likh di hain
Is anjaane dar ki baten ghar ghar hongi tab sochen ge
Maange ke phoolon se kab tak roop suroop ka maan badhega
Apne aangan ki mehkarein be-ghar hongi tab sochen ge
Beeti rut ki sab pehchanen bhool gaye to phir kya hoga
Gaye dinon ki yaadein jab be-manzar hongi tab sochen ge
Aane wale kal ka swagat kaise hoga kaun karega
Jalte hue suraj ki kirnein sar par hongi tab sochen ge
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں