خواب دیرینہ سے رخصت کا سبب پوچھتے ہیں — افتخارعارف
شاعر
خواب دیرینہ سے رخصت کا سبب پوچھتے ہیں
خواب دیرینہ سے رخصت کا سبب پوچھتے ہیں
چلیے پہلے نہیں پوچھا تھا تو اب پوچھتے ہیں
کیسے خوش طبع ہیں اس شہر دل آزار کے لوگ
موج خوں سر سے گزر جاتی ہے تب پوچھتے ہیں
اہل دنیا کا تو کیا ذکر کہ دیوانوں کو
صاحبان دل شوریدہ بھی کب پوچھتے ہیں
خاک اڑاتی ہوئی راتیں ہوں کہ بھیگے ہوئے دن
اول صبح کے غم آخر شب پوچھتے ہیں
ایک ہم ہی تو نہیں ہیں جو اٹھاتے ہیں سوال
جتنے ہیں خاک بسر شہر کے سب پوچھتے ہیں
یہی مجبور یہی مہر بہ لب بے آواز
پوچھنے پر کبھی آئیں تو غضب پوچھتے ہیں
کرم مسند و منبر کہ اب ارباب حکم
ظلم کر چکتے ہیں تب مرضیٔ رب پوچھتے ہیں
Khwab-e-Deerina Se Rukhsat Ka Sabab Poochhte Hain
Khwab-e-deerina se rukhsat ka sabab poochhte hain
Chaliye pehle nahin poochha tha to ab poochhte hain
Kaise khush tab'a hain us shehar-e-dil-aazaar ke log
Mauj-e-khoon sar se guzar jaati hai tab poochhte hain
Ahl-e-duniya ka to kya zikr ke deewanon ko
Sahiban-e-dil-shorida bhi kab poochhte hain
Khaak udaati hui raaten hon ke bheege hue din
Awwal-e-subh ke gham aakhir-e-shab poochhte hain
Ek hum hi to nahin hain jo uthate hain sawal
Jitne hain khaak-ba-sar shehar ke sab poochhte hain
Yahi majboor yahi mohar ba lab be-awaaz
Poochhne par kabhi aayen to ghazab poochhte hain
Karam masnad-o-mimbar ke ab arbaab-e-hukm
Zulm kar chuke hain tab marzi-e-Rabb poochhte hain
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں