تھکن تو اگلے سفر کے لیے بہانہ تھا — افتخارعارف
شاعر
تھکن تو اگلے سفر کے لیے بہانہ تھا
تھکن تو اگلے سفر کے لیے بہانہ تھا
اسے تو یوں بھی کسی اور سمت جانا تھا
وہی چراغ بجھا جس کی لو قیامت تھی
اسی پہ ضرب پڑی جو شجر پرانا تھا
متاع جاں کا بدل ایک پل کی سرشاری
سلوک خواب کا آنکھوں سے تاجرانہ تھا
ہوا کی کاٹ شگوفوں نے جذب کر لی تھی
تبھی تو لہجۂ خوشبو بھی جارحانہ تھا
وہی فراق کی باتیں وہی حکایت وصل
نئی کتاب کا ایک اک ورق پرانا تھا
قبائے زرد نگار خزاں پہ سجتی تھی
تبھی تو چال کا انداز خسروانہ تھا
Thakan To Agle Safar Ke Liye Bahana Tha
Thakan to agle safar ke liye bahana tha
Use to yoon bhi kisi aur simt jaana tha
Wahi charagh bujha jis ki lau qayamat thi
Usi pe zarb padi jo shajar purana tha
Mata-e-jaan ka badal ek pal ki sarshari
Sulook-e-khwab ka aankhon se taajirana tha
Hawa ki kaat shagufo ne jazb kar li thi
Tabhi to lahja khushboo bhi jarhana tha
Wahi firaq ki baten wahi hikayat-e-wasl
Nayi kitab ka ek ek waraq purana tha
Qaba-e-zard nigaar-e-khizan pe sajti thi
Tabhi to chaal ka andaaz khusrawana tha
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں