انہیں میں جیتے انہیں بستیوں میں مر رہتے — افتخارعارف
شاعر
انہیں میں جیتے انہیں بستیوں میں مر رہتے
انہیں میں جیتے انہیں بستیوں میں مر رہتے
یہ چاہتے تھے مگر کس کے نام پر رہتے
پیمبروں سے زمینیں وفا نہیں کرتیں
ہم ایسے کون خدا تھے کہ اپنے گھر رہتے
پرندے جاتے نہ جاتے پلٹ کے گھر اپنے
پر اپنے ہم شجروں سے تو با خبر رہتے
بس ایک خاک کا احسان ہے کہ خیر سے ہیں
وگرنہ صورت خاشاک در بہ در رہتے
مرے کریم جو تیری رضا مگر اس بار
برس گزر گئے شاخوں کو بے ثمر رہتے
Unhein Mein Jeete Unhein Bastiyon Mein Mar Rehte
Unhein mein jeete unhein bastiyon mein mar rehte
Yeh chahte the magar kis ke naam par rehte
Paighambaron se zameenain wafa nahin kartin
Hum aise kaun Khuda the ke apne ghar rehte
Parinde jaate na jaate palat ke ghar apne
Par apne hum shajaron se to ba-khabar rehte
Bas ek khaak ka ehsaan hai ke khair se hain
Wagarna soorat-e-khashaak dar ba dar rehte
Mere Kareem jo teri raza magar is baar
Baras guzar gaye shaakhon ko be-samar rehte
شاعر کے بارے میں
اردو کے عہدِ حاضر کے ممتاز شاعر افتخار حسین عارف 21 مارچ 1943 کو لکھنؤ میں پیدا ہوئے۔ ابتدائی تعلیم انہوں نے وہاں کے روایتی علمی ماحول۔فرنگی محل کے...
مکمل تعارف پڑھیں